എലിപ്പനി; സംസ്ഥാനത്ത് ഇന്ന് രണ്ട് മരണം

തിരുവനന്തപുരം: എലിപ്പനി ബാധിച്ച് സംസ്ഥാനത്ത് ഇന്ന് മരിച്ചത് രണ്ട് പേര്‍. തിരുവനന്തപുരം വെള്ളറട സ്വദേശിനി രാജം, പത്തനംതിട്ട സ്വദേശിനി ലതിക എന്നിവരാണ് ഇന്ന് മരണപ്പെട്ടത്. ഇതോടെ പ്രളയത്തിന് പിന്നാലെ സംസ്ഥാനത്ത് എലിപ്പനി ബാധിച്ച് മരിച്ചവരുടെ എണ്ണം 58 ആയി.

ഓഗസ്റ്റ് മാസം 20 മുതല്‍ എലിപ്പനി ബാധിച്ച് മരിച്ചവരുടെ കണക്കാണിത്. അതേസമയം ബുധനാഴ്ച മാത്രം 64 പേര്‍ക്ക് എലിപ്പനി സ്ഥിരീകരിച്ചു. സംസ്ഥാനത്താകമാനം 142 പേര്‍ എലിപ്പനി ലക്ഷണങ്ങളുമായി ചികിത്സ തേടിയിട്ടുണ്ട്.