ആലപ്പുഴ: അരൂരിൽ കെഎസ്ആർടിസി ഡ്രൈവറെ ക്രൂരമായി മര്ദ്ദിച്ച രണ്ട് പേര് പിടിയിൽ. അരൂര് സ്വദേശികളായ ആകാശ്, ആൽവിൽ എന്നിവരെയാണ് പോലീസ് പിടികൂടിയത്. ബൈക്കിനു പോകാൻ വഴി കൊടുത്തില്ലെന്ന് പറഞ്ഞായിരുന്നു ക്രൂരമര്ദ്ദനം.
Also Read: കവളപ്പാറ ദുരന്തം: വീടും സ്ഥലവും നഷ്ടപ്പെട്ടവര്ക്ക് 27 കോടി രൂപ സർക്കാർ അനുവദിച്ചു
എറണാകുളം-തിരുവനന്തപുരം കെഎസ്ആര്ടിസി ബസ് ഡ്രൈവര് ഹരികൃഷ്ണനാണ് മര്ദ്ദനമേറ്റത്. അരൂര് പള്ളി സ്റ്റോപ്പിലാണ് സംഭവം. ബൈക്കിനു പോകാൻ വഴി കൊടുത്തില്ലെന്ന് പറഞ്ഞ് ബസ് തടഞ്ഞ് നിര്ത്തി രണ്ടംഗ സംഘം മര്ദ്ദിക്കുകയായിരുന്നു. അക്രമികൾ ബസിൻ്റെ ഗ്ലാസ് തല്ലിത്തകര്ത്തു.
Also Read: ഇനി സ്മാർട്ടാണ് തിരുവനന്തപുരം നഗരസഭ! കൃത്യസമയത്ത് എത്തിയില്ലെങ്കിൽ പിടിവീഴും!!!
ഡ്രൈവര് ഹരികൃഷ്ണൻ്റെ കഴുത്തിൽ കിടന്ന മാല പൊട്ടി. ഏകദേശം 5000 രൂപയുടെ കേടുപാട് ബസിനുണ്ടായി. സംഭവത്തിൽ അരൂര് പോലീസ് ആണ് പ്രതികളെ പിടികൂടിയത്. ചേര്ത്തല കോടതിയിൽ പ്രതികളെ ഹാജരാക്കും. അന്വേഷണം ആരംഭിച്ചു.
Also Read: അത്തിക്കയത്ത് കാട്ടാനയുടെ ആക്രമണത്തിൽ വനപാലകൻ മരിച്ചു