വിധിയിൽ സന്തോഷമുണ്ടെന്ന് ഉദയകുമാറിൻെറ അമ്മ

ഉദയകുമാറിൻെറ അമ്മയുടെ 13 വർഷത്തെ തോരാത്ത കണ്ണീരിൻെറ കാത്തിരിപ്പിനാണ് ഇന്ന് വിരാമമാവുന്നത്. ഉദയകുമാറിനെ ഉരുട്ടിക്കൊന്ന കേസിലെ പോലീസുകാർക്ക് വധശിക്ഷയെന്ന വാർത്ത അവരെ തെല്ലെങ്കിലും ആശ്വാസിപ്പിക്കുന്നുണ്ട്.

"എൻെറ കണ്ണീർ തോരില്ല, വിധിയിൽ സന്തോഷമുണ്ട്," തിരുവനന്തപുരം സിബിഎെ കോടതിയുടെ വിധി വന്ന ശേഷം കൈ കൂപ്പിക്കൊണ്ട് ഉദയകുമാറിൻെറ അമ്മ പ്രഭാവതിയമ്മ പറഞ്ഞു.

ഉദയകുമാറിനെ ഉരുട്ടിക്കൊന്ന കേസിലെ ഒന്നും രണ്ടും പ്രതികളായ ജിതകുമാര്‍, ശ്രീകുമാര്‍ എന്നിവര്‍ക്കാണ് കോടതി വധശിക്ഷ വിധിച്ചത്. തൻെറ പ്രാർഥന ദൈവം കേട്ടതിനാലാണ് പ്രതികൾക്ക് വധശിക്ഷ തന്നെ ലഭിച്ചതെന്ന് പ്രഭാവതിയമ്മ പറഞ്ഞു.

പ്രതീക്ഷിച്ച ശിക്ഷ തന്നെയാണ് പ്രതികൾക്ക് ലഭിച്ചിരിക്കുന്നത്. ഇനി മുകളിലുള്ള ഏത് കോടതിയിൽ പോയാലും അവരുടെ ശിക്ഷയിൽ കുറവ് വരില്ലെന്നും അവർ പറഞ്ഞു. 2005 സെപ‍്‍തംബർ 27നാണ് ഫോർട്ട് പോലീസ് സ്റ്റേഷനിൽ വെച്ച് ഉദയകുമാർ കൊല്ലപ്പെടുന്നത്.