ഐക്യ ജനാധിപത്യ മുന്നണി ഒറ്റക്കെട്ടെന്നു ചെന്നിത്തല

തിരുവനന്തപുരം: കേരളത്തിൽ ഐക്യ ജനാധിപത്യ മുന്നണി(യുഡിഎഫ്) ഒറ്റക്കെട്ടാണെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. മാണി നേതൃസ്ഥാനം വഹിക്കുന്ന കേരള കോൺഗ്രസിന്‍റെ നിർണായക സംസ്ഥാന സമ്മേളനം ചരൽകുന്നിൽ പുരോഗമിക്കുന്നതിനിടെയാണ് ചെന്നിത്തലയുടെ പ്രതികരണം.

കോൺഗ്രസിന്‍റെ ആത്മാഭിമാനത്തെ ചോദ്യം ചെയ്യാൻ ആരെയും അനുവദിക്കില്ലെന്നും ചെന്നിത്തല കൂട്ടി ചേർത്തു. സ്വന്തം നിലക്ക് ആര് എന്ത് തീരുമാനം എടുത്താലും അതിന്‍റെ പൂർണ ഉത്തരവാദിത്തം അവർക്കു തന്നെയായിരിക്കുമെന്നും ചെന്നിത്തല പറഞ്ഞു.