എംഎൽഎമാരുടെ സമരം എട്ടാം ദിനം; ഇന്ന് യുഡിഎഫ് നിയമസഭാ മാർച്ച്

തിരുവനന്തപുരം: ശബരിമല യുവതീപ്രവേശനവുമായി ബന്ധപ്പെട്ട വിവിധ വിഷയങ്ങള്‍ ഉന്നയിച്ച് നിയമസഭാ കവാടത്തിൽ മൂന്ന് എംഎൽഎമാര്‍ നടത്തിവരുന്ന സത്യഗ്രഹത്തിന് പിന്തുണയുമായി യുഡിഎഫ് ഇന്ന് നിയമസഭാ മാര്‍ച്ച് സംഘടിപ്പിക്കും. വിഷയത്തിൽ സര്‍ക്കാര്‍ ഇതുവരെ ചര്‍ച്ചയ്ക്ക് തയ്യാറായിട്ടില്ലെന്നാണ് പ്രതിപക്ഷം ചൂണ്ടിക്കാണിക്കുന്നു. വിഷയം ഇന്ന് വീണ്ടും സഭയിൽ ഉന്നയിക്കും.

എംഎൽഎമാര്‍ നടത്തിവരുന്ന സത്യഗ്രഹം എട്ടാം ദിവസത്തിലേയ്ക്ക് കടക്കുന്ന സാഹചര്യത്തിൽ തുടര്‍ സമരപരിപാടികള്‍ എന്തൊക്കെ ആകണമെന്ന് രാവിലെ ചേരുന്ന പാര്‍ലമെന്‍ററി യോഗത്തിൽ തീരുമാനിക്കും. പ്രശ്നപരിഹാരത്തിന് സ്പീക്കര്‍ ഇടപെടണമെന്ന് പ്രതിപക്ഷനേതാവ് ആവശ്യപ്പെട്ടെങ്കിലും ഇതുവരെ നടപടിയുണ്ടായിട്ടില്ല.

എംഎൽഎമാരായ വിഎസ് ശിവകുമാര്‍, പാറയ്ക്കൽ അബ്ദുള്ള, എൻ ജയരാജ് എന്നിവരാണ് നിയമസഭാ കവാടത്തിൽ സത്യഗ്രഹം നടത്തുന്നത്.