തിരുവനന്തപുരം: കണ്ണൂർ വിമാനത്താവളത്തിന്റെ ഉദ്ഘാടന ചടങ്ങിൽ നിന്ന് യുഡിഎഫ് വിട്ടു നിൽക്കുമെന്ന് പ്രതിപക്ഷ നേതാവ് രമേശ് ചെന്നിത്തല. മുൻ മുഖ്യമന്ത്രിമാരായ ഉമ്മൻ ചാണ്ടിയെയും വി എസ് അച്യുതാനന്ദനെയും ഉദ്ഘാടന ചടങ്ങിലേക്ക് ക്ഷണിക്കാത്തത് സർക്കാരിന്റെ അല്പത്തരമാണെന്ന് രമേശ് ചെന്നിത്തല ആരോപിച്ചു. ഇരുവരെയും ക്ഷണിക്കാത്തതിൽ പ്രതിഷേധിച്ചാണ് യുഡിഎഫ് ചടങ്ങിൽ നിന്ന് വിട്ടു നിൽക്കുന്നത്.
കണ്ണൂർ വിമാനത്താവളത്തിനായി സ്ഥലമേറ്റെടുപ്പ് നടത്തിയത് വി.എസ് അച്യുതാനന്ദനാണ്. വിമാനത്താവളം പ്രവർത്തികമാകാനായി ഏറ്റവും കൂടുതൽ പ്രവർത്തിച്ച മുഖ്യമന്ത്രി ഉമ്മൻ ചാണ്ടി ആയിരുന്നെന്നും രമേശ് ചെന്നിത്തല പ്രസ്താവിച്ചു. ഈ സർക്കാർ ഭരണത്തിൽ വരുന്നതിന് മുൻപ് തന്നെ ഭൂരിഭാഗം നിർമാണവും പൂർത്തിയായിരുന്നുവെന്നും രമേശ് ചെന്നിത്തല പറഞ്ഞു. ഡിസംബർ ഒമ്പതിനാണ് കണ്ണൂർ വിമാനത്താവളത്തിന്റെ ഉദ്ഘാടനം.
കണ്ണൂർ വിമാനത്താവളത്തിനായി സ്ഥലമേറ്റെടുപ്പ് നടത്തിയത് വി.എസ് അച്യുതാനന്ദനാണ്. വിമാനത്താവളം പ്രവർത്തികമാകാനായി ഏറ്റവും കൂടുതൽ പ്രവർത്തിച്ച മുഖ്യമന്ത്രി ഉമ്മൻ ചാണ്ടി ആയിരുന്നെന്നും രമേശ് ചെന്നിത്തല പ്രസ്താവിച്ചു. ഈ സർക്കാർ ഭരണത്തിൽ വരുന്നതിന് മുൻപ് തന്നെ ഭൂരിഭാഗം നിർമാണവും പൂർത്തിയായിരുന്നുവെന്നും രമേശ് ചെന്നിത്തല പറഞ്ഞു. ഡിസംബർ ഒമ്പതിനാണ് കണ്ണൂർ വിമാനത്താവളത്തിന്റെ ഉദ്ഘാടനം.