താനൂർ/കോഴിക്കോട്; വ്യാജ ഹര്ത്താലിന്റെ പേരിൽ താനൂര് നഗരത്തിലെ കടകൾ അടിച്ചു തകർത്തതിൽ പ്രതിഷേധിച്ച് താനൂർ നഗരപരിധിയിൽ വ്യാപാരി വ്യവസായി ഏകോപന സമിതി ആഹ്വാനം ചെയ്ത ഹർത്താൽ തുടരുന്നു. താനൂർ, തിരൂർ, പരപ്പനങ്ങാടി പോലീസ് പരിധിയിൽ നിരോധനാജ്ഞ തുടരുകയാണ്. അതിനിടെ ബി.ജെ.പി സംസ്ഥാന അധ്യക്ഷൻ കുമ്മനം രാജശേഖരൻ സംഘർഷമുണ്ടായ സ്ഥലങ്ങൾ സന്ദർശിക്കും.
കോഴിക്കോട് നാദാപുരം പുറമേരിയില് ബിജെപി ആഹ്വാനം ചെയ്ത ഹര്ത്താലും പുരോഗമിക്കുകയാണ്. രാവിലെ ആറു മണി മുതല് വൈകിട്ട് ആറു മണി വരെയാണ് ഹര്ത്താല് ആചരിക്കുന്നത്. ഇന്നലെ വൈകിട്ട് ബിജെപി നടത്തിയ പ്രകടനത്തിനിടെ സിപിഎം പ്രവര്ത്തകരുമായി ഉണ്ടായ സംഘര്ഷത്തെ തുടര്ന്ന് നാല് ബിജെപി പ്രവര്ത്തകര്ക്ക് പരുക്കേറ്റിരുന്നു. ഇതില് പ്രതിഷേധിച്ചാണ് ബിജെപിയുടെ ഹര്ത്താൽ. സ്ഥലത്ത് കൂടുതല് പോലീസ് ക്യാംപ് ചെയ്യുന്നുണ്ട്.
കോഴിക്കോട് നാദാപുരം പുറമേരിയില് ബിജെപി ആഹ്വാനം ചെയ്ത ഹര്ത്താലും പുരോഗമിക്കുകയാണ്. രാവിലെ ആറു മണി മുതല് വൈകിട്ട് ആറു മണി വരെയാണ് ഹര്ത്താല് ആചരിക്കുന്നത്. ഇന്നലെ വൈകിട്ട് ബിജെപി നടത്തിയ പ്രകടനത്തിനിടെ സിപിഎം പ്രവര്ത്തകരുമായി ഉണ്ടായ സംഘര്ഷത്തെ തുടര്ന്ന് നാല് ബിജെപി പ്രവര്ത്തകര്ക്ക് പരുക്കേറ്റിരുന്നു. ഇതില് പ്രതിഷേധിച്ചാണ് ബിജെപിയുടെ ഹര്ത്താൽ. സ്ഥലത്ത് കൂടുതല് പോലീസ് ക്യാംപ് ചെയ്യുന്നുണ്ട്.