ആപ്പ്ജില്ല

ഉഴവൂര്‍ വിജയന്‍റെ മരണം: എന്‍സിപി നേതാക്കള്‍ക്ക് ക്രൈംബ്രാഞ്ചിന്‍റെ നോട്ടീസ്

2017 ആഗസ്തിലാണ് സര്‍ക്കാര്‍ ക്രൈംബ്രാഞ്ച് അന്വേഷണത്തിന് ഉത്തരവിട്ടത്

Samayam Malayalam 4 Oct 2018, 10:22 am
കോട്ടയം: എന്‍സിപി മുന്‍ സംസ്ഥാന അധ്യക്ഷന്‍ ഉഴവൂര്‍ വിജയന്‍റെ മരണവുമായി ബന്ധപ്പെട്ട് എന്‍സിപി നേതാക്കള്‍ക്ക് ക്രൈംബ്രാഞ്ചിന്‍റെ നോട്ടീസ്. ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ടാണ് ക്രൈംബ്രാഞ്ച് നോട്ടീസ് അയച്ചിരിക്കുന്നത്.
Samayam Malayalam uzhavoor vijayan


ഉഴവൂരിന്‍റെ മരണത്തെ കുറിച്ച് അന്വേഷിക്കണമെന്ന് എന്‍സിപി കോട്ടയം ജില്ലാകമ്മറ്റി അംഗം പരാതി നല്‍കിയിരിന്നു. ഇതേ തുടര്‍ന്നാണ് എന്‍സിപി നേതാക്കള്‍ക്ക് ക്രൈംബ്രാഞ്ചിന്‍റെ നോട്ടീസ് വന്നിരിക്കുന്നത്.

2017 ജൂലൈ 23 നായിരുന്നു ഉഴവൂര്‍ വിജയന്‍റെ അന്ത്യം. പാര്‍ട്ടിയിലെ ഒരു വിഭാഗം നേതാക്കള്‍ മാനസിക സമ്മര്‍ദ്ദത്തിനിടയാക്കിയതിനെ തുടര്‍ന്നാണ് ഉഴവൂര്‍ വിജയന്‍ മരിക്കുന്നതെന്നായിരുന്നു ജില്ലാ കമ്മിറ്റിയംഗത്തിന്‍റെ പരാതി. ഇതിന് തെളിവായി സംസ്ഥാന നേതാവ് സുള്‍ഫിക്കര്‍ മയൂരിയുടെ ഫോണ്‍ ശബ്ദരേഖയും പരാതിക്കാര്‍ അന്വേഷണ സംഘത്തിന് കൈമാറിയിരുന്നു.

എന്‍സിപി കോട്ടയം ജില്ലാ പ്രസിഡന്‍റ് ടിവി ബേബി, യുവ ജന വിഭാഗം മുന്‍ അധ്യക്ഷന്‍ അഡ്വ മുജീബ് റഹ്‍മാന്‍, സതേഷ് കല്ലേക്കുളം എന്നിവര്‍ക്കാണ് ക്രൈംബ്രാഞ്ച് നോട്ടീസ് അയച്ചിരിക്കുന്നത്.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്