ഈ തിരഞ്ഞെടുപ്പില്‍ നല്ല കമ്യൂണിസ്റ്റുകള്‍ യുഡിഎഫിന് വോട്ടു ചെയ്യും: വി ഡി സതീശന്‍

കൊച്ചി: നല്ല കമ്മ്യൂണിസ്റ്റുകള്‍ ഈ പ്രാവശ്യം ആര്‍ക്ക് വോട്ട് ചെയ്യുമെന്ന് വി ഡി സതീശന്‍ എംഎല്‍എ. അഴിമതി നിറഞ്ഞ എല്‍ഡിഎഫ് സര്‍ക്കാരിന് വേണ്ടി ഇത്തവണ തദ്ദേശ സ്വയംഭരണ തെരഞ്ഞെടുപ്പില്‍ കമ്യൂണിസ്റ്റുകാര്‍ പോലും വോട്ട് ചെയ്യില്ലെന്ന് വിഡി സതീശന്‍ പറഞ്ഞു. ഫേസ്ബുക്ക് കുറിപ്പിലൂടെയാണ് വി ഡി സതീശന്റെ പ്രതികരണം.

Also Read: വിദേശ ഉപഗ്രഹങ്ങളുമായി പിഎസ്എൽവി-സി 49 പറന്നുയർന്നു; വിക്ഷേപണം വിജയകരം

'മുഖ്യമന്ത്രിയുടെ ഓഫീസിലും പാര്‍ട്ടി സെക്രട്ടറിയുടെ വീട്ടിലും വരെ അന്വേഷണ ഏജന്‍സികള്‍ എത്തി. പുറത്ത് പറയാന്‍ കൊള്ളാത്ത കേസുകളാണ് ഏറെയും. നല്ല പാര്‍ട്ടിക്കാര്‍ അപമാനഭാരത്താല്‍ തല കുനിച്ചു നില്‍ക്കുന്നു. പാര്‍ട്ടി ഈ ജീര്‍ണ്ണതയില്‍ നിന്ന് പുറത്ത് വരണമെന്ന് അവര്‍ ആഗ്രഹിക്കുന്നു. അവര്‍ ഇത്തവണ പാര്‍ട്ടി നേതൃത്വത്തിന് ഒരു താക്കീത് നല്‍കും. അതുകൊണ്ട് ഈ തിരഞ്ഞെടുപ്പില്‍ നല്ല കമ്യൂണിസ്റ്റുകള്‍ യുഡിഎഫിന് വോട്ടു ചെയ്യും', വി ഡി സതീശന്‍ ഫേസ്ബുക്കില്‍ കുറിച്ചു.

Also Read: ലൈവ്: നമ്മള്‍ ശത്രുക്കളല്ല, എതിരാളികള്‍ മാത്രം; ട്രംപിനോട് ബൈഡന്‍

വി ഡി സതീശന്‍ എംഎല്‍എയുടെ ഫേസ്ബുക്ക് കുറിപ്പ്:

'നല്ല കമ്യൂണിസ്റ്റുകള്‍ ഈ പ്രാവശ്യം ആര്‍ക്ക് വോട്ടുചെയ്യും?. നമ്മുടെ നാട്ടില്‍ നല്ല കമ്യൂണിസ്റ്റുകളുമുണ്ട്. നാടിനും നാട്ടുകാര്‍ക്കും നല്ലതുവരണം എന്നാഗ്രഹിക്കുന്ന അഴിമതി രഹിതരായ നല്ല മനുഷ്യര്‍. പക്ഷെ അവരുടെ പാര്‍ട്ടി കേരളത്തില്‍ അതിന്റെ ചരിത്രത്തിലെ ഏറ്റവും വലിയ ജീര്‍ണ്ണത നേരിടുന്നു. മുഖ്യമന്ത്രിയുടെ ഓഫീസിലും പാര്‍ട്ടി സെക്രട്ടറിയുടെ വീട്ടിലും വരെ അന്വേഷണ ഏജന്‍സികള്‍ എത്തി. പുറത്ത് പറയാന്‍ കൊള്ളാത്ത കേസുകളാണ് ഏറെയും. നല്ല പാര്‍ട്ടിക്കാര്‍ അപമാനഭാരത്താല്‍ തല കുനിച്ചു നില്‍ക്കുന്നു. പാര്‍ട്ടി ഈ ജീര്‍ണ്ണതയില്‍ നിന്ന് പുറത്ത് വരണമെന്ന് അവര്‍ ആഗ്രഹിക്കുന്നു. അവര്‍ ഇത്തവണ പാര്‍ട്ടി നേതൃത്വത്തിന് ഒരു താക്കീത് നല്‍കും. അതുകൊണ്ട് ഈ തിരഞ്ഞെടുപ്പില്‍ നല്ല കമ്യൂണിസ്റ്റുകള്‍ യുഡിഎഫിന് വോട്ടു ചെയ്യും'