മിസോറാം ഗവർണ്ണറായിരുന്ന കുമ്മനം രാജശേഖരന്റെ രാഷ്ട്രീയത്തിലേക്കുള്ള തിരിച്ചുവരവ് കേരളത്തിലെ ബിജെപിക്ക് ഗുണം ചെയ്യുമെന്ന് ബിജെപി എം പി വി മുരളീധരൻ. കുമ്മനം തിരുവനന്തപുരം മണ്ഡലത്തിന് അനുയോജ്യമായ സ്ഥാനാർത്ഥിയാണെന്നും മുരളീധരൻ പറഞ്ഞു. കുമ്മനം തിരുവനന്തപുരത്ത് ചരിത്രം സൃഷ്ടിക്കുമെന്നും മുരളീധരൻ അഭിപ്രായപ്പെട്ടു. കുമ്മനം രാജേശേഖരൻ ഗവർണർ സ്ഥാനം രാജിവെച്ച് കേരളത്തിലേക്ക് മടങ്ങുന്നുവെന്ന വാർത്തയോട് പ്രതികരിക്കുകയായിരുന്നു മുരളീധരൻ. കുമ്മനത്തെ സജീവ രാഷ്ട്രീയത്തിലേക്ക് മടക്കിക്കൊണ്ടുവരാൻ പ്രധാനമന്ത്രി നരേന്ദ്രമോദിയാണ് പ്രത്യേക താത്പര്യമെടുത്തതെന്നാണ് വിവരം. ഇന്നലെ രാത്രിയോടെയാണ് രാജിവെയ്ക്കാനുള്ള അനുവാദം കുമ്മനത്തിന് ലഭിച്ചത്.
കുമ്മനത്തെ കേരള രാഷ്ട്രീയത്തിലേക്ക് തിരികെ കൊണ്ടുവരാൻ ആർഎസ്എസ് ബിജെപി കേന്ദ്രനേതൃത്വത്തോട് ആവശ്യപ്പെട്ടിരുന്നു. ഇക്കാര്യത്തിൽ തീരുമാനമായതോടെയാണ് കുമ്മനത്തിന്റെ മടങ്ങിവരവ്. കുമ്മനത്തെ തിരുവനന്തപുരത്ത് മത്സരിപ്പിക്കുമെന്നാണ് വിവരം.
കുമ്മനം തിരുവനന്തപുരത്ത് മത്സരിക്കണമെന്നായിരുന്നു ആർഎസ്എസിന്റെ ആവശ്യം. അമിത് ഷാ കേരളം സന്ദർശിച്ചവേളയിലും ആർഎസ്എസ് ഇക്കാര്യം ആവശ്യപ്പെട്ടിരുന്നു.
കുമ്മനത്തെ കേരള രാഷ്ട്രീയത്തിലേക്ക് തിരികെ കൊണ്ടുവരാൻ ആർഎസ്എസ് ബിജെപി കേന്ദ്രനേതൃത്വത്തോട് ആവശ്യപ്പെട്ടിരുന്നു. ഇക്കാര്യത്തിൽ തീരുമാനമായതോടെയാണ് കുമ്മനത്തിന്റെ മടങ്ങിവരവ്. കുമ്മനത്തെ തിരുവനന്തപുരത്ത് മത്സരിപ്പിക്കുമെന്നാണ് വിവരം.
കുമ്മനം തിരുവനന്തപുരത്ത് മത്സരിക്കണമെന്നായിരുന്നു ആർഎസ്എസിന്റെ ആവശ്യം. അമിത് ഷാ കേരളം സന്ദർശിച്ചവേളയിലും ആർഎസ്എസ് ഇക്കാര്യം ആവശ്യപ്പെട്ടിരുന്നു.