സ‍ർക്കാർ ഏറ്റുമുട്ടലിൻെറ പാത അവസാനിപ്പിക്കണം: വി.മുരളീധരൻ

തിരുവനന്തപുരം: ശബരിമല സ്ത്രീ പ്രവേശനത്തിൽ റിവ്യൂ പെറ്റീഷൻ പരിഗണിക്കാമെന്ന സുപ്രീം കോടതി തീരുമാനത്തിൽ സന്തോഷമുണ്ടെന്ന് വി.മുരളീധരൻ എംപി. യുവതീ പ്രവേശന വിഷയത്തിൽ സംസ്ഥാന സർക്കാർ ഏറ്റുമുട്ടലിൻെറ പാത അവസാനിപ്പിക്കണം.

ശബരിമലയിലെ ആചാരങ്ങൾ നിലവിലുള്ള പോലെ നടപ്പിലാവണം. വിഷയത്തിൽ കേന്ദ്ര സർക്കാർ ഇടപെടില്ല. അത് ഫെഡറൽ തത്വങ്ങളുടെ ലംഘനമാവും. സംസ്ഥാന സർക്കാരിൻെറ പരിധിയിൽ വരുന്ന വിഷയമാണിതെന്നും വി.മുരളീധരൻ പറഞ്ഞു.

ജനുവരി 22ന് റിവ്യൂ ഹർജി പരിഗണിക്കാനാണ് സുപ്രീം കോടതിയുടെ തീരുമാനം. തുറന്ന കോടതിയിലായിരിക്കും വാദം കേൾക്കുക.