ശ്രീറാം വെങ്കട്ടരാമനെ പ്രശംസിച്ച്‌ വി എസ്

തിരുവനന്തപുരം : മൂന്നാറിലെ സര്‍ക്കാര്‍ ഭൂമി കയ്യേറിയവര്‍ക്കെതിരെ ശ്രീറാം വെങ്കട്ടരാമന്‍റെ ഇടപെടല്‍ ചെറിയ കാര്യമല്ലെന്ന് ഭരണപരിഷ്കാര കമ്മീഷന്‍ അധ്യക്ഷന്‍ വി എസ് അച്യുതാനന്ദന്‍. ഭപ്പെടാതെ മുന്നോട്ട് പോകാന്‍ ശ്രീറാം വെങ്കട്ടരാമന് എല്ലാവിധ പിന്‍തുണയും വി എസ് ഉറപ്പ് നല്‍കി. ഉമ്മാശേരി മാധവന്‍ പുരസ്കാരവേദിയിലാണ് വി എസും ശ്രീറാം വെങ്കട്ടരാമനും തമ്മില്‍ കണ്ടത്.

തന്‍റെ ഭരണകാലത്ത് കയ്യേറ്റം ഒഴിപ്പിക്കല്‍ പൂര്‍ത്തിയാക്കാന്‍ കഴിയാത്തതിനെ കുറിച്ചും വി എസ് പറഞ്ഞു. പലകാരണങ്ങള്‍ കൊണ്ടും അന്നത് മുഴുമിപ്പിക്കാന്‍ കഴിഞ്ഞില്ല. ഈ വിഷയത്തില്‍ ധീരമായ ചില ഇടപെടലുകള്‍ നടത്താന്‍ ശ്രീറാം വെങ്കട്ടരാമന് കഴിഞ്ഞത് പ്രശംസനീയമാണെന്ന് വി എസ് പറഞ്ഞു.