പിണറായിയ്ക്ക് വോട്ട് തേടി വി.എസ്. ധര്‍മടത്തെത്തും

കണ്ണൂര്‍: ധര്‍മടം മണ്ഡലത്തില്‍ പിണറായി വിജയനു വോട്ട്‌ അഭ്യര്‍ഥിച്ചു വി.എസ്‌. അച്യുതാനന്ദന്‍ എത്തുമെന്ന് സൂചന. 21നാണ് വി.എസ്. എത്തുക. എന്നാല്‍ പ്രചരണത്തിന് വരും എന്നല്ലാതെ, പരസ്പരം കാണാനോ സന്ധിക്കാനോ ഇരു നേതാക്കള്‍ക്കും പദ്ധതിയില്ലെന്നാണ് പാര്‍ട്ടി വൃത്തങ്ങള്‍ സൂചിപ്പിക്കുന്നത്.

ധര്‍മടം മണ്ഡലത്തിലെ ചക്കരക്കല്ലിലാണ് വി.എസ് എത്തുക. എന്നാല്‍ അന്നേ ദിവസം പിണറായി കൊല്ലത്തു പ്രചാരണത്തിലായിരിക്കും. വി.എസിനായി പിണറായി മലമ്പുഴയില്‍ വോട്ട് തേടുമോ എന്ന കാര്യത്തിലും തീരുമാനമായിട്ടില്ല.