വിഎസിന് കാബിനറ്റ് റാങ്കിൽ സ്വതന്ത്ര അധികാരമുള്ള പദവി

ന്യൂഡൽഹി: വി എസ് അച്യുതാനന്ദന് ക്യാബിനറ്റ് റാങ്കുള്ള, സ്വതന്ത്ര അധികാരമുള്ള പദവി നല്‍കാന്‍ തീരുമാനം. പദവി ഏതാണെന്ന് ഇനിയും തീരുമാനമായിട്ടില്ല. ഇരട്ടപ്പദവി നിയമ വ്യവസ്ഥകൾ പരിഗണിച്ചായിരിക്കും നിയമനം.

വിഎസിന്റെ പദവിയുടെ കാര്യത്തിൽ കൂടുതൽ ചർച്ചകൾ കേരളത്തിലാകും നടക്കുക എന്നും പോളിറ്റ് ബ്യൂറോ വ്യക്തമാക്കി. കാബിനറ്റ് റാങ്കോടെ സർക്കാരിന്റെ ഉപദേശകൻ, എൽഡിഎഫ് ചെയർമാൻ സ്ഥാനം, സംസ്ഥാന സെക്രട്ടറിയേറ്റിലേക്ക് തിരിച്ചെടുക്കുക തുടങ്ങിയവ വിഎസിന് നൽകുന്നത് സംബന്ധിച്ചാണ് ചർച്ചകൾ നടന്നത്. പദവികള്‍ ആവശ്യപ്പെട്ട് വി എസ് യച്ചൂരിയ്ക്ക് നല്‍കിയ കുറിപ്പും അതേപ്പറ്റിയുള്ള വിവാദങ്ങളും പിബിയുടെ പരിഗണനയിലാണ്.