ബിനോയ് കോടിയേരിയെ ഫേസ്ബുക്കിൽ പരിഹസിച്ച് ബൽറാം

തിരുവനന്തപുരം : സി പി എം സംസ്ഥാന സെക്രട്ടറി കോടിയേരി ബാലകൃഷ്ണന്‍റെ മകന്‍ ബിനോയ് കോടിയേരിക്ക് ദുബായില്‍ യാത്ര വിലക്ക് ഏര്‍പ്പെടുത്തിയെന്ന വാര്‍ത്ത വന്നതിന് പിന്നാലെ പരിഹാസവുമായി വി ടി ബല്‍റാം എം എല്‍ എ. ദുബായ് വിമാനത്താവളത്തില്‍ ബിനോയെ തടഞ്ഞതിനെ പരിഹസിച്ചാണ് ബല്‍റാം രംഗത്ത് വന്നിരിക്കുന്നത്. ഫേസ്ബ്യൂക്കിലൂടെയാണ് ബല്‍റാമിന്‍റെ പരിഹാസം.


തന്‍റേതല്ലാത്ത കാരണത്താല്‍ ദുബായില്‍ കുടുങ്ങിയ കണ്ണൂര്‍ സ്വദേശി ചെറുപ്പക്കാരന്‍റെ മോചനത്തിനായി ബഹു വിദേശകാര്യ മന്ത്രി ശ്രീമതി സുഷമ സ്വരാജിന്‍റെയും ശ്രീ കുമ്മനം രാജശേഖരന്‍റെയും അടിയന്തര ഇടപെടല്‍ അഭ്യര്‍ത്ഥിക്കുന്നു. രണ്ട് മക്കളെയും ഒരുമിച്ച്‌ കാണാന്‍ പിതാവിന് ആഗ്രഹമുണ്ടാകില്ലേയെന്നും ബല്‍റാം ചോദിക്കുന്നുണ്ട്. ദുബായ് ആസ്ഥാനമായ ജാസ് ടൂറിസം കമ്പനി നല്‍കിയ കേസിലാണ് ബിനോയ്ക്ക് യാത്രവിലക്ക് ഏര്‍പ്പെടുത്തിയത്. എമിഗ്രേഷന്‍ അധികൃതരാണ് ബിനോയിയെ തടഞ്ഞിരിക്കുന്നത്.