വന്ദേ ഭാരത് ഒക്യുപെൻസി നിരക്കിൽ കേരളം മുന്നിൽ; കണക്കുകളവതരിപ്പിച്ച് സതേൺ റെയിൽവേ

ദക്ഷിണ റെയിൽവേയുടെ കീഴിൽ ഓടുന്ന മൂന്ന് വന്ദേ ഭാരത് ട്രെയിനുകളിലും വലിയ തോതിൽ യത്രക്കാർ കയറുന്നുണ്ടെന്ന് സതേൺ റെയിൽവേ. ഇന്ന് പുറത്തിറക്കിയ വാർത്താക്കുറിപ്പിലാണ് സതേൺ റെയിൽവേ ഇക്കാര്യം അറിയിച്ചിരിക്കുന്നത്. ദക്ഷിണേന്ത്യയിലേക്ക് എത്തിയ ആദ്യ വന്ദേ ഭാരത് ട്രെയിനായ ചെന്നൈ സെൻട്രൽ - മൈസൂരു വന്ദേ ഭാരത് അടക്കം മൂന്ന് ട്രെയിനുകളും നിറഞ്ഞുകവിഞ്ഞാണ് യാത്ര തുടരുന്നത്. ചെന്നൈ - കോയമ്പത്തൂർ, തിരുവനന്തപുരം - കാസറഗോഡ് എന്നീ വന്ദേഭാരതുകളാണ് മറ്റ് രണ്ടെണ്ണം.

തുടങ്ങുന്ന സ്റ്റേഷനിൽ നിന്നും യാത്ര തുടരുന്നയിടങ്ങളിലെ സ്റ്റേഷനുകളിൽ നിന്നുമെല്ലാം മികച്ച പ്രതികരണമാണ് ഈ ട്രെയിനുകൾക്ക് ലഭിക്കുന്നത്. ഓരോ ട്രെയിനിന്റെയും ഒക്യുപെൻസി റേറ്റ് വാർത്താക്കുറിപ്പ് വിശദമാക്കിയിട്ടുണ്ട്.

Read: കേരളത്തിൽ എത്താനുണ്ടായ സാഹചര്യം വ്യക്തമാക്കണം: തമിഴ്നാട് സ്വദേശിക്ക് ഓണം ബമ്പർ സമ്മാനം കിട്ടാൻ പാലിക്കേണ്ട നടപടിക്രമങ്ങൾ

Read: 2700 ഏക്കർ ഏറ്റെടുക്കാൻ 20,000 കോടി രൂപ; റോഡുണ്ടാക്കാൻ ചെലവ് 6000 കോടി: ബെംഗളൂരു പെരിഫറൽ റിങ് റോഡ് നിർമ്മാണം പ്രതിസന്ധിയിൽ

Read: അരിക്കൊമ്പൻ നാട്ടിലിറങ്ങുന്നത് തടയാൻ എഐ ക്യാമറ? മൃഗ-മനുഷ്യ സംഘർഷത്തിനെതിരെ വൻ സാധ്യതകൾ തുറന്ന് പുതിയ സാങ്കേതികത

ചെന്നൈ സെൻട്രൽ - കോയമ്പത്തൂർ (20643/20644)

സേലം, ഈറോഡ്, തിരുപ്പൂർ തുടങ്ങിയ പ്രധാന കേന്ദ്രങ്ങളിലൂടെ കടന്നുപോകുന്ന വന്ദേഭാരത് ട്രെയിനാണിത്. മികച്ച വരവേൽപ്പാണ് ഈ ട്രെയിനിന് ലഭിക്കുന്നത്. ചെന്നൈയിൽ നിന്ന് കോയമ്പത്തൂരിലേക്ക് പോകുന്ന വന്ദേഭാരതിന്റെ ഒക്യുപെൻസി നിരക്ക് 108.23% ആണ്. തിരിച്ച് കോയമ്പത്തൂരിൽ നിന്ന് ചെന്നൈ സെൻട്രലിലേക്ക് പോകുന്ന വന്ദേഭാരതിന്റെ ഒക്യുപെൻസി നിരക്ക് 104.60% ആണ്.

ചെന്നൈ സെൻട്രൽ - മൈസൂരു (20607/20608)

ചെന്നൈ സെൻട്രലിൽ നിന്ന് ബാംഗ്ലൂർ വഴി മൈസൂരേക്ക് പോകുന്ന ഈ ട്രെയിൻ വലിയൊരു യാത്രാസൗകര്യമാണ് ഇരു സംസ്ഥാനങ്ങൾക്കുമിടയിൽ ഉണ്ടാക്കിയത്. പലയിടങ്ങളിലൂം മണിക്കൂറിൽ 130 കിലോമീറ്റർ വരെ വേഗതയിൽ പോകാൻ ഈ റൂട്ടിൽ വന്ദേഭാരതിന് സാധിക്കുന്നു. ഈ റൂട്ടിൽ ചെന്നൈ മുതൽ മൈസൂരു വരെ പോകുന്ന വന്ദേഭാരതിന് 130.48% ഒക്യുപെൻസി നിരക്കാണുള്ളത്. മൈസൂരിൽ നിന്ന് തിരിച്ച് ചെന്നൈ സെൻട്രലിലേക്ക് പോകുന്ന ട്രെയിനിന് 112.99% ഒക്യുപെൻസി നിരക്ക് രേഖപ്പെടുത്തുന്നു.

Read: മാർക്സിസ്റ്റുകാരേ നിങ്ങൾ ലോട്ടറി എടുക്കരുത്! അത് ഊഹ മൂലധനമാണ്

തിരുവനന്തപുരം - കാസറഗോഡ് (20634/20633)

ദക്ഷിണ റെയിൽവേയുടെ ഏറ്റവും മികച്ച ഒക്യുപെൻസി നിരക്ക് കാണിച്ചിരിക്കുന്നത് തിരുവനന്തപുരം - കാസറഗോഡ് വന്ദേ ഭാരത് ട്രെയിനുകളിലാണ്. തിരുവനന്തപുരം - കാസറഗോഡ് വന്ദേഭാരതിന്റെ ഒക്യുപെൻസി നിരക്ക് 171.76% ആണ്. കാസറഗോഡ് - തിരുവനന്തപുരം വന്ദേഭാരതിന് ഒക്യുപെൻസി 177.45% ആണ്.

കേരളം വന്ദേ ഭാരതിന് നല്‍കിയ ഈ സ്വീകരണം റെയിൽവേയെ ആവേശത്തിലാക്കിയിട്ടുണ്ട്. ഇതിന്റെ പ്രതികരണമെന്ന നിലയിലാണ് പുതിയ വന്ദേ ഭാരത് ഉടൻ അനുവദിക്കാൻ ഇടയായത്. ഈ വരുന്ന 24ന് പ്രധാനമന്ത്രി നരേന്ദ്രമോദി പുതിയ വന്ദേഭാരതിന്റെ ഫ്ലാഗ് ഓഫ് ഓൺലൈനായി നടത്തും. ആദ്യദിവസം ക്ഷണിക്കപ്പെട്ട അതിഥികൾക്ക് വന്ദേഭാരത് യാത്ര അനുവദിക്കും. രാവിലെ ആറിന് കാസറഗോഡു നിന്ന് തുടങ്ങുന്ന ട്രെയിൻ ഉച്ചതിരിഞ്ഞ് മൂന്നുമണിയോടെ തിരുവനന്തപുരത്ത് എത്തും.

Read: 20കാരിയെ ബലാൽസംഗം ചെയ്ത എസ്ഐയെ നാട്ടുകാർ കെട്ടിയിട്ടു തല്ലി; വിവസ്ത്രനായ പൊലീസുകാരന്റെ വീഡിയോ വൈറൽ; സസ്പെൻഡ് ചെയ്ത് യുപി സർക്കാർ

Read: ഓണം ബമ്പർ അടിക്കാത്തവർ നിരാശപ്പെടേണ്ട; ഈ മാസം മാത്രം വരാനിരിക്കുന്നത് 10 നറുക്കെടുപ്പുകൾ; അറിയാം വിവരങ്ങൾ