പോലീസിനെ കുരുക്കിലാക്കി ശ്രീജിത്തിനൊപ്പം അറസ്റ്റിലായവരുടെ വെളിപ്പെടുത്തല്‍

എസ്‌ഐ ദീപക് പോലീസ് സ്‌റ്റേഷനിലെത്തിലെത്തിയപ്പോള്‍ തന്നെ തങ്ങളെ തല്ലി. വയറുവേദനയെടുത്ത് കരഞ്ഞിട്ടും ശ്രീജിത്തിനെ ആശുപത്രിയില്‍ കൊണ്ടുപോകാന്‍ പോലീസുകാര്‍ തയ്യാറായില്ല. അസഹ്യമായ വേദന മൂലം ശ്രീജിത്ത് ലോക്കപ്പില്‍ ചുരുണ്ട്കൂടി കിടക്കുകയായിരുന്നു. ആര്‍ടിഎഫുകാര്‍ പിടികൂടിയപ്പോഴും ശേഷം എസ്‌ഐ സ്‌റ്റേഷനിലെത്തിയപ്പോഴും തല്ലി. വയറുവേദനയെടുത്ത് എണീക്കാന്‍ കഴിയാതിരുന്നപ്പോഴും യാതൊരു ദയാദാക്ഷിണ്യവുമില്ലാതെ ശ്രീജിത്തിനെ എസ്‌ഐ മര്‍ദ്ദിച്ചു. ശ്രീജിത്തിന്‍റെ ശരീരത്തില്‍ ആശുപത്രിയിലേക്ക് കൊണ്ടുപോകും വരെ മുറിപ്പാടുകൾ ഉണ്ടായിരുന്നില്ല. മുഖത്തും മറ്റും കണ്ട പാടുകള്‍ തുടര്‍ന്ന് അവര്‍ മര്‍ദ്ദിച്ചതാവാം. വെള്ളിയാഴ്ച്ച അറസ്റ്റ് ചെയ്ത ശ്രീജിത്തിനെ ശനിയാഴ്ച്ച രാത്രിയാണ് ആശുപത്രിയിലെത്തിച്ചത്. എന്നാൽ ആരാണ് കൊണ്ടുപോയതെന്ന് തങ്ങള്‍ക്കറിയില്ല. അത് കണ്ടുപിടിക്കണമെന്നാണ് തങ്ങളുടെ ആവശ്യം.