ബിഷപ്പിനെതിരെ വത്തിക്കാന്‍ ഇടപെടുന്നു; രാജി ആവശ്യപ്പെടും

കൊച്ചി: ബിഷപ്പ് ഫ്രാങ്കോ മുളക്കലിനെതിരെ വത്തിക്കാന്‍ ഇടപെടുന്നു. കേരളത്തിലെ സഭാ നേതൃത്വത്തില്‍ നിന്ന് വത്തിക്കാന്‍ അടിയന്തിരമായി വിവരങ്ങള്‍ തേടിയിട്ടുണ്ട്.

ബിഷപ്പിനെതിരെ വത്തിക്കാന്‍ രണ്ട് ദിവസത്തിനകം നടപടിയെടുക്കുമെന്നാണ സൂചന. ബിഷപ്പിന്‍റെ അറസ്റ്റിനു മുന്‍പ് തന്നെ ചുമതലകളില്‍ നിന്ന് ഒഴിവാക്കാനാണ് വത്തിക്കാന്‍ ആഗ്രഹിക്കുന്നത്.

മാര്‍പാപ്പയുടെ ആലോചന സംഘത്തിലെ അംഗവും മുംബൈ ആര്‍ച്ച് ബിഷപ്പുമായ കര്‍ദിനാള്‍ ഒാസ്വാള്‍ ഗ്രേഷ്യസ് വത്തിക്കാന്‍റെ നിലപാട് സൂചിപ്പിച്ച് വാര്‍ത്താകുറിപ്പ് പുറത്തിറക്കിയിരുന്നു. ഇതില്‍ ബിഷപ്പ് ചുമതലകളില്‍ നിന്ന് മാറി നില്‍ക്കണെമെന്ന് വ്യക്തമാക്കിയിട്ടുണ്ട്.

അടുത്ത ബുധനാഴ്ചയാണ് ബിഷപ്പിനെ ചോദ്യം ചെയ്യുന്നത്. ഇതിന് മുന്നോടിയായി പോലീസ് ബിഷപ്പിന് നോട്ടീസ് നല്‍കിയിട്ടുണ്ട്. മുന്‍കൂര്‍ ജാമ്യത്തിന് ശ്രമിക്കില്ല എന്ന് ബിഷപ്പ് വ്യക്തമാക്കിയിട്ടുണ്ട്.