ശബരിമല വിഷയത്തിൽ വീണ്ടും നിലപാട് മാറ്റി വെള്ളാപ്പള്ളി

ചേർത്തല: ശബരിമല വിധിക്കെതിരെയുള്ള സമരത്തിൽ പ്രവർത്തകർ പങ്കെടുക്കുന്നതിൽ തെറ്റില്ലെന്ന് എസ്എൻഡിപി നേതൃത്വം. വിഷയത്തിൽ എസ്എൻഡിപി വീണ്ടും ചുവടു മാറ്റി. എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശനാണ് ചേർത്തലയിൽ നിലപാട് വ്യക്തമാക്കിയത്.

എൻഡിഎ നയിക്കുന്ന സമരത്തിൽ തുഷാർ വെള്ളാപ്പള്ളി നേതൃത്വം നൽകുന്ന ബിഡിജെഎസ്എം പങ്കെടുക്കുന്നുണ്ട്. കഴിഞ്ഞ ദിവസം ശബരിമല വിധിക്കെതിരെയുള്ള ബിജെപി നിലപാടും സമരവും ശരിയല്ലെന്ന് വെള്ളാപ്പള്ളി നടേശൻ വ്യക്തമാക്കിയിരുന്നു. സത്യസന്ധമായി സർക്കാർ കാര്യങ്ങൾ വിശദീകരിച്ചിട്ടും പ്രതിഷേധം തുടരേണ്ടതില്ലെന്നും വെള്ളാപ്പള്ളി പറഞ്ഞിരുന്നു. എന്നാൽ, എസ്എൻഡിപി ജനറൽ സെക്രട്ടറി എപ്പോഴും സ്വതന്ത്ര നിലപാട് സ്വീകരിക്കുന്ന ആളാണെന്ന് തുഷാർ വെള്ളാപ്പള്ളി കഴിഞ്ഞ ദിവസം പറഞ്ഞിരുന്നു.