മുതിര്‍ന്ന മാധ്യമപ്രവര്‍ത്തകന്‍ ടി.വി.ആര്‍.ഷേണായി അന്തരിച്ചു

ന്യൂഡല്‍ഹി: മുതിര്‍ന്ന മാധ്യമപ്രവര്‍ത്തകന്‍ ടി.വി.ആര്‍ ഷേണായി അന്തരിച്ചു. മണിപ്പാലിലെ ആശുപത്രിയില്‍ വൈകുന്നേരം ഏഴരയോടെയായിരുന്നു അന്ത്യം. മൃതദേഹം ഡല്‍ഹിയിലേക്ക് കൊണ്ടുപോകും. സംസ്‌കാരം അവിടെ നടക്കും.എറണാകുളം ചെറായി സ്വദേശിയാണ് അദ്ദേഹം. പ്രമുഖ മാധ്യമപ്രവര്‍ത്തകനും കോളമിസ്റ്റുമായിരുന്ന ഷേണായിയെ 2003ല്‍ രാജ്യം പത്മഭൂഷണ്‍ നല്‍കി ആദരിച്ചിട്ടുണ്ട്.

ഇന്ത്യന്‍ എസ്‌ക്പ്രസ്, മലയാള മനോരമ തുടങ്ങി പ്രമുഖ പത്രങ്ങളില്‍ പ്രവര്‍ത്തിച്ചിട്ടുണ്ട്. ഇന്ത്യന്‍ എസ്‌ക്പ്രസ്, ഗള്‍ഫ് ന്യൂസ് തുടങ്ങിയ പ്രമുഖ പത്രങ്ങളിലും, റെഡിഫ്.കോം, ന്യുസ് ടൈം തുടങ്ങിയ മാധ്യമങ്ങളില്‍ നിരവധി ലേഖനങ്ങള്‍ എഴുതുകയും കോളങ്ങള്‍ എഴുതുകയും ചെയ്തിട്ടുണ്ട്. മൊറോക്കോ ഭരണാധികാരിയുടെ ഉന്നത പുരസ്കാരമായ അലാവിറ്റ കമാന്‍ഡര്‍ വിസ്ഡം പുരസ്കാരവും ലഭിച്ചിട്ടുണ്ട്.

ദ് വീക്ക് എഡിറ്ററായും പ്രസാര്‍ഭാരതി നിര്‍വ്വഹണസമിതിയംഗമായും പ്രവര്‍ത്തിച്ചിട്ടുണ്ട്. 1995 മുതല്‍ സ്വതന്ത്രപത്രപ്രവര്‍ത്തനത്തിലേക്ക് തിരിഞ്ഞു.