തിരുവനന്തപുരം: ഇനിമുതല് തടവുകാരെ നേരിട്ടു കോടതിയില് ഹാജരാക്കേണ്ട. പ്രതികളുമായി പൊലീസ് കോടതിയിലേക്കു പോകുന്നത് ഒഴിവാക്കാന് സംസ്ഥാനത്തെ എല്ലാ ജയിലുകളിലും ഒക്ടോബര് അവസാനത്തോടെ വീഡിയോ കോണ്ഫറന്സ് സംവിധാനം നിലവില് വരും.
ഹൈക്കോടതി ഉള്പ്പെടെ സംസ്ഥാനത്തെ 383 കോടതികളിലും 55 ജയിലുകളിലുമാണ് പദ്ധതി നടപ്പിലാക്കുന്നത്. 25 കോടി രൂപയാണ് ചെലവ്. 450 സ്റ്റുഡിയോകള് പദ്ധതിക്കായി ഒരുക്കും. ഒപ്റ്റിക്കല് ഫൈബര് കേബിള് സംവിധാനത്തിന് ബിഎസ്എന്എല്ലിന് രണ്ടു കോടിയും ഉപകരണങ്ങള് നല്കുന്നതിന് കെല്ട്രോണിന് 23 കോടിയും നല്കണം.