ഭൂമി കൈമാറ്റം: രമേശ് ചെന്നിത്തലയ്ക്കെതിരെ വിജിലന്സ് അന്വേഷണം
ആഭ്യന്തരമന്ത്രിയായിരിക്കെ ജയിലിന്റെ സ്ഥലം സ്വകാര്യ ട്രസ്റ്റിന് അനധികൃതമായി കൈമാറിയെന്ന പരാതിയിന്മേലാണ് വിജിലന്സ് പ്രാഥമിക അന്വേഷണം നടത്തുന്നത്
Samayam Malayalam 31 Oct 2018, 7:11 pm
തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തലയ്ക്കെതിരെ വിജിലന്സ് അന്വേഷണം. ആഭ്യന്തരമന്ത്രിയായിരിക്കെ ജയിലിന്റെ സ്ഥലം സ്വകാര്യ ട്രസ്റ്റിന് അനധികൃതമായി കൈമാറിയെന്ന പരാതിയിന്മേലാണ് വിജിലന്സ് പ്രാഥമിക അന്വേഷണം നടത്തുന്നത്. നെട്ടുകാല്ത്തേരി തുറന്ന ജയിലിന്റെ രണ്ടേക്കര് സ്ഥലം സ്വകാര്യ ട്രസ്റ്റിന് കൈമാറിയെന്നാണ് പരാതിയിലെ ആക്ഷേപം. തിരുവനന്തപുരം വിജിലന്സ് സ്പെഷ്യല് യൂണിറ്റിനാണ് അന്വേഷണ ചുമതല.
അഭിഭാഷകനായ അനൂപ് നല്കിയ പരാതിയുടെ അടിസ്ഥാനത്തിലാണ് അന്വേഷണം ആരംഭിച്ചിരിക്കുന്നത്. രമേശ് ചെന്നിത്തല ആഭ്യന്തരമന്ത്രിയായിരിക്കെയാണ് വിവാദ ഭൂമി കൈമാറ്റം നടന്നത്. അന്നത്തെ ജയില് ഡിജിപിയുടെ എതിര്പ്പ് മറികടന്നാണ് ഭൂമി കൈമാറിയതെന്നും പരാതിയില് പറയുന്നു. പരാതിയുടെ അടിസ്ഥാനത്തില് ചെന്നിത്തലയ്ക്കെതിരെ പ്രാഥമിക അന്വേഷണത്തിന് മുഖ്യമന്ത്രി അനുവാദം നല്കുകയായിരുന്നു.
അഭിഭാഷകനായ അനൂപ് നല്കിയ പരാതിയുടെ അടിസ്ഥാനത്തിലാണ് അന്വേഷണം ആരംഭിച്ചിരിക്കുന്നത്. രമേശ് ചെന്നിത്തല ആഭ്യന്തരമന്ത്രിയായിരിക്കെയാണ് വിവാദ ഭൂമി കൈമാറ്റം നടന്നത്. അന്നത്തെ ജയില് ഡിജിപിയുടെ എതിര്പ്പ് മറികടന്നാണ് ഭൂമി കൈമാറിയതെന്നും പരാതിയില് പറയുന്നു. പരാതിയുടെ അടിസ്ഥാനത്തില് ചെന്നിത്തലയ്ക്കെതിരെ പ്രാഥമിക അന്വേഷണത്തിന് മുഖ്യമന്ത്രി അനുവാദം നല്കുകയായിരുന്നു.