വിനായകനെ ക്രൂരമായി മർദ്ദിച്ചെന്ന് പോസ്റ്റ് മോര്‍ട്ടം റിപ്പോര്‍ട്ട്

കൊച്ചി: തൃശ്ശൂര്‍ പാവറട്ടിയില്‍ പോലീസ് മര്‍ദ്ദനമേറ്റ യുവാവ് ആത്മഹത്യ ചെയ്‍ത സംഭവത്തില്‍ പോസ്റ്റ് മോര്‍ട്ടം റിപ്പോര്‍ട്ട് പുറത്ത്.

ആത്മഹത്യ ചെയ്‍ത വിനായകന് പോലീസ് സ്റ്റേഷനില്‍വെച്ച് ക്രൂരമര്‍ദ്ദനം ഏറ്റതായി പോസ്റ്റ് മോര്‍ട്ടം റിപ്പോര്‍ട്ടിലുണ്ടെന്ന് സ്വകാര്യ ടിവി ചാനല്‍ റിപ്പോര്‍ട്ട് ചെയ്‍തു.

ബൂട്ട്‍സ് ഇട്ട് പോലീസ് വിനായകനെ ചവിട്ടിയതായി പോസ്റ്റ് മോര്‍ട്ടം റിപ്പോര്‍ട്ടിലുണ്ട്. നെ‍ഞ്ചിലും തലയിലും ചവിട്ടേറ്റു - ഏഷ്യാനെറ്റ് ന്യൂസ് റിപ്പോര്‍ട്ട് ചെയ്‍തു.

സുഹൃത്തായ പെണ്‍കുട്ടിയോട് സംസാരിച്ചു നില്‍ക്കെയാണ് കഴിഞ്ഞയാഴ്‍ച്ച വിനായകനെ പോലീസ്റ്റ് സ്റ്റേഷനിലേക്ക് കൊണ്ടുപോയത്. മര്‍ദ്ദനത്തിന് ശേഷം വിട്ടയച്ചു. തൊട്ടടുത്ത ദിവസം വിനായകന്‍ ആത്മഹത്യ ചെയ്യുകയായിരുന്നു.

സംഭവത്തില്‍ പ്രതിഷേധം ശക്തമായതിനെത്തുടര്‍ന്ന് അന്വേഷണ വിധേയമായി രണ്ട് പോലീസുകാരെ സസ്‍പെന്‍ഡ് ചെയ്‍തിരുന്നു. വിനായകന്‍റെ മരണത്തില്‍ പ്രതിഷേധങ്ങള്‍ തുടരുകയാണ്.

Vinayakan was subjected to torture, claims autopsy Report

Vinayakan, 19-year-old Dalit youth, who took his life in Thrissur was subjected to cruel torture by Police, claims a autopsy report, accessed by Media