വിളക്ക് കൊളുത്തിയില്ല; പകരം ചെടി നനച്ച് മുഖ്യമന്ത്രി

കൊച്ചി: കേരളത്തിലെ ആദ്യത്തെ സി.എന്‍.ജി ഇന്ധന സ്റ്റേഷന്റെ ഉദ്ഘാടനരീതി ശ്രദ്ധേയമാകുന്നു. സ്റ്റേഷന്‍റെ ഉദ്ഘാടന സമ്മേളനത്തിൽ വിളക്ക് കൊളുത്തുന്നതിന് പകരം പ്ലാവിൻ തൈകൾ നനച്ച് മുഖ്യമന്ത്രിയുടെ ഉദ്ഘാടനം പിണറായി വിജയൻ ഉദ്ഘാടനം നിർവ്വഹിച്ചത്.

ഇന്ത്യന്‍ ഓയിലിന്റെ ഹരിത സംരംഭമായ വിപിനത്തിന്റെ ഉദ്ഘാടനവും മുഖ്യമന്ത്രി നിര്‍വഹിച്ചു. ചടങ്ങുകളില്‍ പൂച്ചെണ്ടുകള്‍ക്ക് പകരം ചെടികള്‍ സമ്മാനിക്കുന്ന പരിപാടിയാണ് വിപിനം. മരങ്ങൾ നിറഞ്ഞ കാട് എന്നതാണ് വിപനം എന്നതുകൊണ്ട് അർത്ഥമാക്കുന്നത്.

ഐ.ഒ.സിയുടെ റീട്ടെയ്ല്‍ ഔട്ട്‌ലെറ്റുകളില്‍ വെര്‍ട്ടിക്കല്‍ ഗാര്‍ഡനും നഴ്‌സറികളും സ്ഥാപിച്ച് ഹരിതാഭമാക്കാനും വിപിനം ലക്ഷ്യമിടുന്നുണ്ട്. ഈ ചടങ്ങിലും മുഖ്യമന്ത്രി ഉള്‍പ്പെടെയുള്ളവർക്ക് ചെടികൾ സമ്മാനിച്ചായിരുന്നു സ്വീകരിച്ചത്.