കുളച്ചല്‍ തുറമുഖം ആവശ്യമെന്ന് മോദി; വിഴിഞ്ഞത്തിന് മുന്‍ഗണന

ന്യൂഡല്‍ഹി: വിഴിഞ്ഞം തുറമുഖ പദ്ധതി പോലെ കുളച്ചല്‍ തുറമുഖവും ആവശ്യം തന്നെയെന്ന് പ്രധാനമന്ത്രി നരേന്ദ്ര മോദി പറഞ്ഞു. വിഴിഞ്ഞം പദ്ധതിക്ക് തന്നെയായിരിക്കും പ്രഥമ പരിഗണന. തുറമിഖത്തിന്‍റെ നിര്‍മാണം സമയബന്ധിതമായി പൂര്‍ത്തിയാക്കുമെന്നും കേരളത്തിന്‍റെ ആശങ്കകള്‍ പരിഹരിക്കുമെന്നും അദ്ദേഹം പറഞ്ഞു.

മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയില്‍ ആണ് പ്രധാനമന്ത്രി ഈ കാര്യങ്ങള്‍ പറഞ്ഞത്. വിഴിഞ്ഞം പദ്ധതി പൂര്‍ത്തീകരിക്കാന്‍ ആവശ്യമായ സഹായങ്ങള്‍ നല്‍കുമെന്നും അദ്ദേഹം ഉറപ്പ് നല്‍കി. വിഴിഞ്ഞം പദ്ധതിക്ക് മുന്‍ഗണന നല്‍കണമെന്ന് മുഖ്യമന്ത്രിയാണ് മോദിയോട് ആവശ്യപ്പെട്ടത്.

തുറമുഖങ്ങള്‍ തമ്മിലുള്ള അകലം സംബന്ധിച്ച് മാനദണ്ഡം വേണമെന്നും കുളച്ചല്‍ തുറമുഖത്തിന് കേരളം എതിരല്ലെന്നും പിണറായി മോദിയെ അറിയിച്ചു.