വിഴിഞ്ഞം കരാര്‍; ദേശീയ ഏജന്‍സി അന്വേഷിക്കണമെന്ന് വിഎസ്

തിരുവനന്തപുരം: വിഴിഞ്ഞം കരാര്‍ പദ്ധതിയില്‍ ജുഡീഷ്യല്‍ അന്വേഷണം സാധ്യമായില്ലെങ്കില്‍ വിശ്വാസ്യതയുളള ദേശീയ ഏജന്‍സി അന്വേഷിക്കണമെന്ന് വിഎസ് അച്യുതാനന്ദന്‍. വിഴിഞ്ഞം കരാറില്‍ ജുഡീഷ്യല്‍ അന്വേഷണം നടത്തണമെന്ന് സര്‍ക്കാര്‍ ആവശ്യപ്പെട്ടതിനെ പിന്തുടര്‍ന്നാണ് വാര്‍ത്താകുറിപ്പിലൂടെ കരാറില്‍ ദേശീയ അന്വേഷണം വേണമെന്ന് വിഎസ് ആവശ്യപ്പെട്ടിരിക്കുന്നത്.

അതേസമയം ജുഡീഷ്യല്‍ അന്വേഷണം പ്രഖ്യാപിച്ച സര്‍ക്കാര്‍ നടപടിയെ വി എസ് സ്വാഗതം ചെയ്യുകയും ചെയ്തു. ജുഡീഷ്യല്‍ അന്വേഷണത്തിനായി സിറ്റിങ് ജഡ്ജിമാരെ ലഭിച്ചില്ലെങ്കില്‍ വിശ്വാസ്യതയുളള കേന്ദ്ര ഏജന്‍സിയെകൊണ്ട് അന്വേഷിപ്പിക്കണമെന്നാണ് വി എസ് പറയുന്നത് .

ഹൈക്കോടതി ജഡ്‍ജിയുടെ നേതൃത്വത്തിലുള്ള അന്വേഷണം നടത്താനാണ് ഉദ്ദേശിക്കുന്നതെന്ന് പിണറായി നേരത്തേ വ്യക്തമാക്കിയിരുന്നു. കരാറിനെതിരെ സിഎജി റിപ്പോര്‍ട്ടില്‍ അതിനിശിത വിമര്‍ശനം ഉണ്ടായ സ്ഥിതിക്ക് അത് പരിശോധിക്കേണ്ടതാണെന്നും പിണറായി പറഞ്ഞു. സംസ്ഥാനത്തിന്‍റെ താല്‍പര്യങ്ങള്‍ക്ക് വിരുദ്ധമായാണ് അദാനി ഗ്രൂപ്പുമായി വിഴിഞ്ഞം കരാര്‍ ഒപ്പുവെച്ചതെന്നാണ് കഴിഞ്ഞ ആഴ്‍ച നിയമസഭയില്‍ സമര്‍പ്പിച്ച റിപ്പോര്‍ട്ടില്‍ സിഎജി പറയുന്നത്.

Vizhinjam port project probe to hand over any central agency says vs

Vizhinjam port project probe is better to hand over any central agency says vs Achuthananthan