പേരാമ്പ്രയില്‍ വോട്ടര്‍ കുഴഞ്ഞുവീണ് മരിച്ചു

നിയമസഭാ തെരഞ്ഞെടുപ്പിനിടെ പേരാമ്പ്രയിൽ വോട്ടര്‍ കുഴഞ്ഞുവീണ് മരിച്ചു. പേരാമ്പ്ര സി.കെ.ജി കോളജ് പോളിംഗ് ബൂത്തില്‍ ഇന്ന് രാവിലെ വോട്ടുചെയ്യാനെത്തിയപ്പോഴാണ് കൈയ്താംപൊയിലില്‍ കുഞ്ഞബ്ദുള്ള ഹാജി(70) കുഴഞ്ഞുവീണത്.

ബൂത്തിൽ രാവില്‍ തന്നെ വോട്ടര്‍മാരുടെ നീണ്ട ക്യൂ ഉണ്ടായിരുന്നു. കുഴഞ്ഞുവീണ കുഞ്ഞബ്ദുള്ളയെ ഉടന്‍തന്നെ സമീപത്തെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.