സർവേ ഡയറക്ടറായി വി.ആർ പ്രേംകുമാറിനെ നിയമിച്ചു

തിരുവനന്തപുരം: വി.ആർ പ്രേംകുമാറിനെ പുതിയ സർവേ ഡയറക്ടറായി നിയമിച്ചു. ശ്രീറാം വെങ്കിട്ടരാമൻ സസ്‌പെൻഷനിലായ ഒഴിവിലേക്കാണ് പ്രേംകുമാറിന്റെ നിയമനം. ഇന്ന് ചേർന്ന മന്ത്രിസഭാ യോഗമാണ് പ്രേംകുമാറിനെ നിയമിച്ചത്.

മദ്യപിച്ച് വാഹനമോടിച്ച് മാധ്യമപ്രവർത്തകനെ കൊലപ്പെടുത്തിയ കേസിൽ പ്രതിയായതിനെ തുടർന്നാണ് ശ്രീറാമിനെ സസ്‌പെൻഡ് ചെയ്തത്. കേസിൽ ശ്രീറാമിന് ഇന്നലെ മജിസ്‌ട്രേറ്റ് കോടതി ജാമ്യം അനുവദിച്ചിരുന്നു. നേരത്തെ ശ്രീറാമിനെ ദേവികുളം സബ്‌കളക്ടർ സ്ഥാനത്ത് നിന്ന് നീക്കിയപ്പോൾ പകരം നിയമിച്ചതും വി.ആർ പ്രേംകുമാറിനെയായിരുന്നു. ഇപ്പോൾ സർവേ ഡയറക്ടർ സ്ഥാനത്തേക്ക് ശ്രീറാമിന് പകരം എത്തുന്നത് പ്രേംകുമാറാണെന്നത് ശ്രദ്ധേയമാണ്.