വിഎസിനെ ഭരണപരിഷ്കാര ചെയർമാനായി നിയമിച്ചു

തിരുവനന്തപുരം: വി.എസ്.അച്യുതാനന്ദന് ക്യാബിനറ്റ് പദവിയോടെ ഭരണപരിഷ്കാര കമ്മീഷന്‍ ചെയർമാൻ സ്ഥാനം. മന്ത്രിസഭായോഗത്തിലാണ് തീരുമാനം. സി.പി.നായര്‍, നീല ഗംഗാധരന്‍ എന്നിവരാണ് കമ്മീഷനിലെ മറ്റു അംഗങ്ങള്‍.

വിഎസിന് ക്യാബിനറ്റ് പദവിയും മറ്റു അംഗങ്ങൾക്ക് കമ്മീഷൻ ചീഫ് സെക്രട്ടറി പദവിയുമാണ് നൽകിയിരിക്കുന്നത്.

ഇടതു സർക്കാർ അധിക്കാരത്തിൽ വന്നതിന് ശേഷം മുതലുള്ള വിഎസിന്‍റെ പദവി സംബന്ധിച്ച അനിശ്ചിതത്വങ്ങൾക്കാണ് ഇതോടെ വിരാമമായത്.

സംസ്ഥാന സര്‍ക്കാരിന്റെ ഭരണം പരിശോധിക്കുക, തിരുത്തലുകള്‍ നടത്തുക, ശുപാര്‍ശകള്‍ നല്‍കുക എന്നിവയാണ് കമ്മീഷന്റെ ഉദ്ദേശലക്ഷ്യങ്ങള്‍. മുഖ്യമന്ത്രിയോട് കമ്മീഷൻ ചെയർമാൻ റിപ്പോർട്ട് ചെയ്യേണ്ടതില്ല.