മൈക്രോഫിനാൻസ്: വെള്ളാപ്പള്ളിക്കെതിരെ വിഎസ്

തിരുവനന്തപുരം മൈക്രോഫിനാൻസ് വായ്‍പാ തട്ടിപ്പ് കേസിൽ എസ്എൻഡിപി ജനറൽ സെക്രട്ടറി വെള്ളാപ്പള്ളി നടേശനെതിരെയുള്ള കേസിൽ കക്ഷി ചേരാൻ തയ്യാറാണെന്ന് ഭരണപരിഷ്‍കാര കമ്മീഷൻ ചെയർമാൻ വിഎസ് അച്യുതാനന്ദൻ. ഈഴവ സ്ത്രീകളെ കബളിപ്പിച്ചു പണം തട്ടിയെടുത്ത വെള്ളാപ്പള്ളിക്കെതിരെയുള്ള കേസ് ചെപ്പടി വിദ്യയിലൂടെ അട്ടിമറിക്കാനുള്ള ശ്രമങ്ങൾ വിലപ്പോവില്ലെന്ന് വിഎസ് പറഞ്ഞു.

കേസിലെ എഫ്‌ഐആർ റദ്ദാക്കണമെന്ന് കാണിച്ചു വെള്ളാപ്പള്ളി ഹർജി സമർപ്പിച്ചിരുന്നു. വെള്ളാപ്പള്ളിക്കെതിരെയുള്ള കേസിൽ സർക്കാർ ജാഗ്രത പുലർത്തണമെന്നും വിഎസ് ആവശ്യപ്പെട്ടു. ഇന്നലെ വെള്ളാപ്പള്ളി മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തിയതിന്‍റെ തൊട്ടു പിന്നാലെയാണ് വിഎസിന്‍റെ പ്രതികരണം എന്നത് ശ്രദ്ധേയമാണ്.

VS voices against Vellappally in microfinance case.