പ്രതിപക്ഷം സ്വയം പരിഹാസ്യരാകരുത്: വി എസ്

തിരുവനന്തപുരം: പ്രതിപക്ഷം നടത്തുന്ന സ്വാശ്രയ സമരത്തെ തള്ളി വി എസ് അച്യുതാനന്ദന്‍. പ്രതിപക്ഷം നടത്തി വരുന്ന സ്വാശ്രയ സമരം അര്‍ത്ഥമില്ലാത്തതെന്നും കഴിഞ്ഞ സര്‍ക്കാരിന്റെ കാലത്തെ അഴിമതികള്‍ പുറത്ത് കൊണ്ട് വന്നതില്‍ വെറളി പിടിച്ചാണ് പ്രതിപക്ഷം ഇപ്പോള്‍ സ്വാശ്രയ സമരവുമായി മുന്നിട്ടിറങ്ങിയതെന്നും വി എസ് അച്യുതാനന്ദന്‍ അഭിപ്രായപ്പെട്ടു.

സ്വാശ്രയ വിഷയത്തില്‍ പ്രതിപക്ഷ സമരത്തെ പിന്തുണച്ചെന്ന വാര്‍ത്തകള്‍ തള്ളി ഭരണപരിഷ്‌കാര കമ്മീഷന്‍ ചെയര്‍മാന്‍ വി എസ് അച്യുതാനന്ദന്‍ രംഗത്തെത്തിയിരുന്നു. സര്‍ക്കാരിനെ താന്‍ വിമര്‍ശിച്ചിട്ടില്ലെന്നും തന്റെ വാക്കുകള്‍ മാധ്യമങ്ങള്‍ തെറ്റായി വ്യാഖ്യാനിക്കുകയായിരുന്നെന്നും വി എസ് വ്യക്തമാക്കി.