വാളയാർ കേസിൽ എന്തുകൊണ്ട് നടപടിയില്ല? ചോദ്യവുമായി ചെന്നിത്തല; മാതാപിതാക്കൾ സെക്രട്ടറിയേറ്റിനു മുന്നിൽ

തിരുവനന്തപുരം: വാളയാർ പെൺകുട്ടികൾക്ക് നീതി നടപ്പാക്കുന്ന കാര്യത്തിൽ സംസ്ഥാനസർക്കാർ പൂർണ്ണമായും പരാജയപ്പെട്ടെന്ന് പ്രതിപക്ഷ നേതാവ് രമേശ് ചെന്നിത്തല. കേസിൽ എന്തുകൊണ്ട് പുനരന്വേഷണം നടത്തുന്നില്ലെന്നും അദ്ദേഹം ചോദിച്ചു. വാളയാർ പെൺകുട്ടികളുടെ കുടുംബത്തെ മുഖ്യമന്ത്രി വഞ്ചിച്ചുവെന്നും രമേശ് ചെന്നിത്തല പറഞ്ഞു.

Also Read: 'പിടി തോമസ് കള്ളപ്പണ സംഘത്തലവൻ'; ഇടപാടിനു പോകുമ്പോൾ ഖദ‍ര്‍ മാറ്റിവെച്ചു പോകാൻ പറയണമെന്ന് ഡിവൈഎഫ്ഐ

പിണറായി വിജയനും യോഗി ആദിത്യനാഥും തമ്മിൽ എന്തു വ്യത്യാസമാണ് ഉള്ളത്. വാളയാർ കുടുംബത്തിന്റെ കണ്ണീർ കേരളത്തിന്റെ കണ്ണീരാണെന്നും ചെന്നിത്തല പറഞ്ഞു. നീതി നടപ്പാക്കി നൽകണമെന്ന് ആവശ്യപ്പെട്ട് പെൺകുട്ടികളുടെ അമ്മ നടത്തുന്ന സമരം ഉദ്ഘാടനം ചെയ്യുകയായിരുന്നു ചെന്നിത്തല.

Also Read: അബ്ദുള്ളക്കുട്ടിയെ ഹോട്ടലിൽ വെച്ച് ആരും കയ്യേറ്റം ചെയ്തിട്ടില്ലെന്ന് ഉടമ

പെൺകുട്ടിയുടെ കുടുംബം ആരോപിച്ച കാര്യങ്ങൾ ജുഡീഷ്യൽ അന്വേഷണത്തിൽ കണ്ടെത്തിയിട്ടുണ്ട്. കമ്മീഷൻ റിപ്പോർട്ട് സമർപ്പിച്ച് മാസങ്ങളായിട്ടും സർക്കാരിന്റെ ഭാഗത്തു നിന്നും കാര്യമായ നടപടി ഉണ്ടായിട്ടില്ലെന്ന് കുടുംബാംഗങ്ങൾ ആരോപിച്ചു. കേസ് തുടക്കത്തിൽ അന്വേഷിച്ച എസ്ഐ പിസി ചാക്കോ, പിന്നീട് അന്വേഷണത്തിന് നേതൃത്വം കൊടുത്ത നാർകോടിക് സെൽ ഡിവൈഎസ്പി സോജൻ അടക്കമുള്ളവരെ സർവ്വീസിൽ നിന്നും പുറത്താക്കണമെന്നാണ് കുടുംബത്തിന്റെ ആവശ്യം.