സുൽത്താൻബത്തേരി: കോൺഗ്രസ് അധ്യക്ഷൻ രാഹുൽ ഗാന്ധിയുടെ സ്ഥാനാര്ത്ഥിത്വം സംബന്ധിച്ച് അനിശ്ചിതാവസ്ഥ തുടരുന്നതിനിടെ എത്രയും വേഗം രാഹുൽ ഗാന്ധിയെ വയനാട് സ്ഥാനാര്ത്ഥിയായി പ്രഖ്യാപിക്കണമെന്ന് ആവശ്യപ്പെട്ട് വയനാട്, മലപ്പുറം ജില്ലാ കോൺഗ്രസ് കമ്മിറ്റികള് പ്രമേയം പാസാക്കി. രാഹുലിൻ്റെ സ്ഥാനാര്ത്ഥിത്വം ഉടൻ പ്രഖ്യാപിക്കണമെന്ന് ആവശ്യപ്പെട്ട് രണ്ട് ഡിസിസികളും എഐസിസിയ്ക്ക് ഇ-മെയിൽ അയയ്ക്കുകയും ചെയ്തു. രാഹുൽ ഗാന്ധിയെ ഉടൻ വയനാട് സ്ഥാനാര്ത്ഥിയായി പ്രഖ്യാപിക്കണമെന്നായിരുന്നു മലപ്പുറം ഡിസിസി പുറത്തിറക്കിയ പ്രമേയത്തിലെ ആവശ്യം.പ്രവര്ത്തകരുടെ കാത്തിരിപ്പ് അനന്തമയി നീട്ടരുതെന്ന് പ്രമേയത്തിൽ ആവശ്യപ്പെട്ടിട്ടുള്ളതായി ഡി സി സി പ്രസിഡന്റ് വി വി സത്യൻ പറഞ്ഞു. പ്രമേയത്തിൻ്റെ പകര്പ്പ് കോൺഗ്രസ് അധ്യക്ഷൻ രാഹുൽ ഗാന്ധിയ്ക്ക് ഇ-മെയിൽ വഴി അയച്ചു നൽകുകയും ചെയ്തു.
അതേസമയം, രാഹുൽ ഗാന്ധി വയനാട്ടിൽ യുഡിഎഫ് സ്ഥാനാര്ത്ഥിയാകുന്നത് സംബന്ധിച്ച് കോൺഗ്രസ് ഹൈക്കമാൻഡോ എഐസിസിയോ ഔദ്യോഗികമായി സ്ഥിരീകരണം നല്കിയിട്ടില്ല. ഇതിനിടെ വയനാട്ടിലെ സ്ഥാനാര്ത്ഥിത്വം രാഹുലിൻ്റെ മണ്ഡലമായ അമേഠിയിൽ തിരിച്ചടിയാകുമെന്ന് മനസ്സിലാക്കി പദ്ധതി ഉപേക്ഷിച്ചതായുള്ള റിപ്പോര്ട്ടുകളും പുറത്തു വരുന്നുണ്ട്. എന്നാൽ രാഹുൽ വയനാട്ടിൽ മത്സരിക്കുമെന്നുള്ള പ്രതീക്ഷയിലാണെന്നാണ് കേരളത്തിലെ കോൺഗ്രസ് നേതാക്കളുടെ പ്രതികരണം.
അതേസമയം, രാഹുൽ ഗാന്ധി വയനാട്ടിൽ യുഡിഎഫ് സ്ഥാനാര്ത്ഥിയാകുന്നത് സംബന്ധിച്ച് കോൺഗ്രസ് ഹൈക്കമാൻഡോ എഐസിസിയോ ഔദ്യോഗികമായി സ്ഥിരീകരണം നല്കിയിട്ടില്ല. ഇതിനിടെ വയനാട്ടിലെ സ്ഥാനാര്ത്ഥിത്വം രാഹുലിൻ്റെ മണ്ഡലമായ അമേഠിയിൽ തിരിച്ചടിയാകുമെന്ന് മനസ്സിലാക്കി പദ്ധതി ഉപേക്ഷിച്ചതായുള്ള റിപ്പോര്ട്ടുകളും പുറത്തു വരുന്നുണ്ട്. എന്നാൽ രാഹുൽ വയനാട്ടിൽ മത്സരിക്കുമെന്നുള്ള പ്രതീക്ഷയിലാണെന്നാണ് കേരളത്തിലെ കോൺഗ്രസ് നേതാക്കളുടെ പ്രതികരണം.