പത്തനംതിട്ട: ലോക്സഭാ തെരഞ്ഞെടുപ്പിൽ ബിജെപിക്ക് വേണ്ടി പ്രചാരണത്തിനിറങ്ങില്ലെന്ന് പന്തളം കൊട്ടാരം നിര്വാഹക സമിതി അംഗം ശശികുമാര വര്മ്മ. ശബരിമല മുൻനിര്ത്തി ഇടതുപക്ഷത്തെ തോൽപ്പിക്കുകയാണ് ലക്ഷ്യമെന്നും ശശികുമാര വര്മ്മ ഏഷ്യാനെറ്റ് ന്യൂസിനോട് പറഞ്ഞു. ശബരിമല ആചാര സംരക്ഷണത്തിന് കേന്ദ്ര സർക്കാർ നിയമപരമായി ഇടപെട്ടിരുന്നെങ്കിൽ ബിജെപിയോട് സഹകരിക്കുമായിരുന്നു. എന്നാൽ അത് ഉണ്ടായില്ല. എല്ലാ ഭക്ത ജനങ്ങളും ഇത് ആഗ്രഹിച്ചിരുന്നു. തെരഞ്ഞെടുപ്പ് പ്രകടന പത്രികയിൽ ശബരിമല വിഷയവുമായി ബന്ധപ്പെട്ട പരാമര്ശങ്ങള് പ്രതീക്ഷിക്കുന്നുവെന്നും അദ്ദേഹം പറഞ്ഞു. തെരഞ്ഞെടുപ്പിൽ ആര്ക്കെങ്കിലും വോട്ട് ചെയ്യണമെന്ന് പറയില്ല. എന്നാൽ സഹായിച്ചവരെ തിരിച്ചു സഹായിക്കുമെന്നും അദ്ദേഹം കൂട്ടിച്ചേർത്തു.
പത്തനംതിട്ട ബിജെപി സ്ഥാനാര്ത്ഥിയായ കെ സുരേന്ദ്രനും നേതാക്കള് പന്തളം കൊട്ടാരത്തിലെത്തി പിന്തുണ തേടിയിരുന്നു. പരസ്യമായി രംഗത്തിറങ്ങില്ലെങ്കിലും കൊട്ടാരത്തിൻ്റെ പിന്തുണയുണ്ടെന്നാണ് ബിജെപി നേതൃത്വം വ്യക്തമാക്കുന്നത്. ശബരിമല വിഷയത്തിൽ ബിജെപിക്കൊപ്പം ശശികുമാര വര്മ്മ സമരം നയിച്ചിരുന്നു.
പത്തനംതിട്ട ബിജെപി സ്ഥാനാര്ത്ഥിയായ കെ സുരേന്ദ്രനും നേതാക്കള് പന്തളം കൊട്ടാരത്തിലെത്തി പിന്തുണ തേടിയിരുന്നു. പരസ്യമായി രംഗത്തിറങ്ങില്ലെങ്കിലും കൊട്ടാരത്തിൻ്റെ പിന്തുണയുണ്ടെന്നാണ് ബിജെപി നേതൃത്വം വ്യക്തമാക്കുന്നത്. ശബരിമല വിഷയത്തിൽ ബിജെപിക്കൊപ്പം ശശികുമാര വര്മ്മ സമരം നയിച്ചിരുന്നു.