കേരളത്തിൽ ഇന്നു മുതല്‍ വേനല്‍മഴ ലഭിച്ചേക്കും

കേരളത്തിൽ ഇന്നു മുതല്‍ വേനല്‍മഴ ശക്തിപ്പെടുമെന്ന് കാലാവസ്ഥ നിരീക്ഷണകേന്ദ്രം. നാലോ അ‍ഞ്ചോ ദിവസത്തേക്ക് സംസ്ഥാനത്തിന്റെ പലഭാഗത്തും മഴ ലഭിക്കും. ഇടിയോടുകൂടിയ മഴക്കാണ് സാധ്യതയെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

സംസ്ഥാനത്തിന്റെ വിവിധ ഭാഗങ്ങളില്‍ വ്യാഴാഴ്ച കനത്ത മഴ പെയ്തിരുന്നു. കനത്ത ചൂടിനെ തുടര്‍ന്ന് സൂര്യാതപം ഏല്‍ക്കുന്നവരുടെ എണ്ണത്തില്‍ വര്‍ധനവുണ്ടാകുന്നുണ്ട്. കഴിഞ്ഞ ദിവസവും രണ്ടുപേര്‍ മരിക്കുകയും ഏഴുപേര്‍ക്കു പൊള്ളലേല്‍ക്കുകയും ചെയ്തിരുന്നു.