തിരുവനന്തപുരം: സംസ്ഥാനത്ത് അനുഭവപ്പെടുന്ന കടുത്ത ചൂട് ഏതാനും ദിവസങ്ങൾക്കൂടി തുടരുമെന്ന് കാലാവസ്ഥാ നിരീക്ഷണകേന്ദ്രം. അടുത്ത മൂന്ന് ദിവസങ്ങളിൽ ജാഗ്രത പാലിക്കണമെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകി. സംസ്ഥാനത്ത് വിവിധയിടങ്ങളിൽ കൂടിയ താപനില 38 ഡിഗ്രിവരെയായിരിക്കുമെന്നും മുന്നറിയിപ്പിൽ പറയുന്നു. ചൊവ്വാഴ്ച പാലക്കാട് 37.4 ഡിഗ്രി ചൂടാണ് രേഖപ്പെടുത്തിയത്. തിരുവനന്തപുരം, ആലപ്പുഴ, കോഴിക്കോട് ജില്ലകളിൽ താപനില രണ്ടുമുതൽ 2.3 വരെയായി ഉയർന്നതായാണ് റിപ്പോർട്ട്.
ബുധനാഴ്ച എറണാകുളം, കോട്ടയം, ഇടുക്കി, പത്തനംതിട്ട, കൊല്ലം, തിരുവനന്തപുരം എന്നീ ജില്ലകളിൽ ചൂട് കൂടാൻ സാധ്യതയുണ്ട്. കോഴിക്കോട് ഈ മാസം ഒമ്പതുവരെ താപനില 38 ഡിഗ്രിവരെയാകാനു സാധ്യതയുണ്ട്. ആലപ്പുഴ, പുനലൂർ എന്നിവിടങ്ങളിലെ താപനില വർദ്ധിക്കാനും സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകുന്നു.
ബുധനാഴ്ച എറണാകുളം, കോട്ടയം, ഇടുക്കി, പത്തനംതിട്ട, കൊല്ലം, തിരുവനന്തപുരം എന്നീ ജില്ലകളിൽ ചൂട് കൂടാൻ സാധ്യതയുണ്ട്. കോഴിക്കോട് ഈ മാസം ഒമ്പതുവരെ താപനില 38 ഡിഗ്രിവരെയാകാനു സാധ്യതയുണ്ട്. ആലപ്പുഴ, പുനലൂർ എന്നിവിടങ്ങളിലെ താപനില വർദ്ധിക്കാനും സാധ്യതയുണ്ടെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നൽകുന്നു.