രാഹുല്‍ ഗാന്ധിയെ അംഗീകരിക്കാത്ത കെപിസിസി പിരിച്ചുവിടണമെന്ന് കോടിയേരി

തിരുവനന്തപുരം: കോണ്‍ഗ്രസിന്‍റെ നേതാവ് രാഹുല്‍ ഗാന്ധിയാണോ രാഹുല്‍ ഈശ്വരാണോയെന്ന് സംസ്ഥാന നേതൃത്വം തീരുമാനിക്കണമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. രാഹുല്‍ ഗാന്ധിയുടെ പ്രസ്താവന അംഗീകരിക്കാത്ത കെപിസിസി പിരിച്ചുവിടണമെന്ന് കോടിയേരി അഭിപ്രായപ്പെട്ടു.

സുപ്രീംകോടതി വിധി നടപ്പാക്കാന്‍ മാത്രമാണ് സര്‍ക്കാര്‍ ശ്രമിച്ചത്. സംഘപരിവാര്‍ രാഷ്ട്രീയ തന്ത്രമാണ് ഇതില്‍ വ്യക്തമാകുന്നത്. വിശ്വാസികള്‍ എന്ന പേരില്‍ അക്രമം അഴിച്ചവിടാനാണ് സംഘപരിവാര്‍ ശ്രമിക്കുന്നത്. പൊതുമുതല്‍ നശിപ്പിച്ചവര്‍ക്കെതിരെയാണ് പോലീസ് കേസ് എടുത്തിരിക്കുന്നതെന്നും കേടിയേരി കൂട്ടിച്ചേര്‍ത്തു.

ഉദ്ഘാടനം ചെയ്യാത്ത കണ്ണൂര്‍ വിമാനത്താവളത്തില്‍ അമിത് ഷാക്ക് ഇറങ്ങാന്‍ അനുമതി നല്‍കിയത് പിണറായി സര്‍ക്കാരാണ്. ഇതുപോലെ ആരുവന്നാലും ഇറക്കാന്‍ തയ്യാറാണ്. എന്നാല്‍ അമിത് ഷാ കണ്ണൂര്‍ വിമാനത്താവളം ഉദ്ഘാടനം ചെയ്തു എന്നാണ് സംഘപരിവാര്‍ പറയുന്നതെന്നും കോടിയേരി പറഞ്ഞു.

സ്വാമി സന്ദീപാനന്ദഗിരിയുടെ ആശ്രമത്തിനു നേര്‍ക്കുണ്ടായ ആക്രണത്തിനെതിരെയുള്ള പ്രതിഷേധ കൂട്ടായ്മ ഉദ്ഘാടനം ചെയ്ത് സംസാരിക്കുകയായിരുന്നു.