കാട്ടാനയുടെ ആക്രമണത്തിൽ മധ്യവയസ്കൻ കൊല്ലപ്പെട്ടു

ഇടുക്കി: പൂപ്പാറയ്ക്ക് സമീപം മധ്യവയസ്കൻ കാട്ടാനയുടെ ആക്രമണത്തിൽ കൊല്ലപ്പെട്ടു. മുതുപ്പാറ എസ്റ്റേറ്റിൽ തൊഴിലാളിയായ വേലൻ ആണ് മരിച്ചത്.

പ്രദേശത്ത് കാട്ടാന ശല്യം സംബന്ധിച്ച പരാതി വര്‍ധിക്കുന്നതിനിടെയാണ് മരണം. സ്ഥലത്ത് വനംവകുപ്പ് ഉദ്യോഗസ്ഥര്‍ എത്താൻ വൈകുന്നുവെന്ന് ആരോപിച്ച് നാട്ടുകാര്‍ മൃതദേഹവുമായി പൂപ്പാറയിൽ ദേശീയപാത ഉപരോധിക്കുകയാണ്.