കോതമംഗലം: മാർത്തോമാ ചെറിയപള്ളി ഓർത്തഡോക്സ് വിഭാഗത്തിന് വിട്ടു കൊടുക്കില്ലെന്ന് നിലപാട് കടുപ്പിച്ച് യാക്കോബായ സഭാ അധ്യക്ഷൻ തോമസ് പ്രഥമൻ കാതോലിക്കാ ബാവ. മധ്യസ്ഥതയിലൂടെ മലബാർ പ്രദേശത്തെ പള്ളികളിലെ പ്രശ്നങ്ങൾ പരിഹരിച്ചു. അവിടെയുള്ള 73 പള്ളികളിൽ രണ്ടു പള്ളികൾ ഒഴികെയുള്ളിടത്ത് പ്രശ്നങ്ങൾ എല്ലാം പരിഹരിച്ചുവെന്ന് അദ്ദേഹം മാധ്യമങ്ങളോട് പറഞ്ഞു. ഇന്ന് രാവിലെ ഓത്തഡോക്സ് സഭയിലെ തോമസ് പോൾ റമ്പാൻ മാർത്തോമാ ചെറിയ പള്ളിയിൽ പ്രാർത്ഥന നടത്താൻ എത്തിയതോടെയാണ് സംഘർഷമുണ്ടായത്. തുടർന്ന് റമ്പാനും സംഘത്തിനും അവിടെ നിന്ന് മടങ്ങേണ്ടി വന്നു. ഓർത്തഡോക്സ് വിഭാഗത്തെ യാക്കോബായ വിശ്വാസികളുടെ സംഘം പള്ളിയിൽ പ്രവേശിക്കുന്നതിൽ നിന്ന് തടഞ്ഞു.
പള്ളിയിൽ പ്രവേശിക്കാൻ അനുകൂല കോടതി വിധി സമ്പാദിച്ചുകൊണ്ടാണ് തോമസ് പോൾ റമ്പാൻ എത്തിയത്. സംഘർഷാവസ്ഥ കണക്കിലെടുത്ത് റമ്പാനോട് അവിടെ നിന്ന് മടങ്ങണമെന്ന് പോലീസ് സൂചിപ്പിച്ചു. തോമസ് പോൾ റമ്പാൻ അല്പസമയത്തിന് ശേഷം മടങ്ങിയെത്തിയെങ്കിലും പള്ളിക്കുള്ളിൽ പ്രവേശിക്കാൻ സാധിച്ചില്ല.
പള്ളിയിൽ പ്രവേശിക്കാൻ അനുകൂല കോടതി വിധി സമ്പാദിച്ചുകൊണ്ടാണ് തോമസ് പോൾ റമ്പാൻ എത്തിയത്. സംഘർഷാവസ്ഥ കണക്കിലെടുത്ത് റമ്പാനോട് അവിടെ നിന്ന് മടങ്ങണമെന്ന് പോലീസ് സൂചിപ്പിച്ചു. തോമസ് പോൾ റമ്പാൻ അല്പസമയത്തിന് ശേഷം മടങ്ങിയെത്തിയെങ്കിലും പള്ളിക്കുള്ളിൽ പ്രവേശിക്കാൻ സാധിച്ചില്ല.