വരുമാന നഷ്ടം കേന്ദ്രം വഹിച്ചാൽ ഇന്ധന നികുതി കുറക്കാം: ധനമന്ത്രി

ആലപ്പുഴ: പെട്രോളിയം ഉൽപന്നങ്ങളുടെ വില കുറക്കണമെങ്കിൽ കേന്ദ്ര സർക്കാർ സംസ്ഥാനത്തിന് ഉണ്ടാകുന്ന വരുമാന നഷ്ടം വഹിക്കണമെന്ന് ധനമന്ത്രി തോമസ് ഐസക്. 1500 കോടി രൂപയോളം സംസ്ഥാനത്തിന് നഷ്ടമുണ്ടാകും. ഈ പണം കേന്ദ്രം നൽകണമെന്നാണ് ധനമന്ത്രിയുടെ ആവശ്യം.

അതിരൂക്ഷമായ സാമ്പത്തിക പ്രതിസന്ധിയാണ് സംസ്ഥാനം നേരിടുന്നത്. ഇന്ധന നികുതി കുറക്കാൻ കേന്ദ്രം തയ്യാറാകാതെ അത് സംസ്ഥാനങ്ങളോട് ആവശ്യപ്പെട്ടിട്ട് കാര്യമില്ലെന്നും തോമസ് ഐസക് അഭിപ്രായപ്പെട്ടു. ജിഎസ്‌ടി നടപ്പാക്കുന്നതിന് മുൻപ് തന്നെ കേരളം ചൂണ്ടിക്കാട്ടിയ പ്രശ്‌നങ്ങളാണ് ഇപ്പോൾ ഉടലെടുത്തിരിക്കുന്നത്. അവ തിരിച്ചറിഞ്ഞത് കൊണ്ടാണ് ഇപ്പോൾ ഇളവ് പ്രഖ്യാപിച്ചിരിക്കുന്നതെന്നും അദ്ദേഹം ആലപ്പുഴയിൽ പറഞ്ഞു.

Will reduce fuel tax, if centre helps with income loss: Finance minister

Kerala finance minister Thomas Issac says the fuel tax can be reduced only with the help of central government