പൂജാരിമാര്‍ക്കെതിരെയുള്ള പരാമര്‍ശം പിന്‍വലിക്കുന്നുവെന്ന് ജി സുധാകരന്‍

ആലപ്പുഴ: പൂജാരിമാരുടെ വസ്ത്രധാരണത്തെ കുറിച്ചുള്ള പരാമര്‍ശം വിഷമം ഉണ്ടാക്കിയിട്ടുണ്ടെങ്കില്‍ പിന്‍വലിക്കുന്നുവെന്ന് മന്ത്രി ജി സുധാകരന്‍. ബിജെപി ശബരിമലയില്‍ ഏറ്റവും മോശമായ നെഗറ്റീവ് പോളിറ്റിക്സാണ് പയറ്റുന്നതെന്നും മന്ത്രി പറഞ്ഞു.

യുവതികള്‍ സന്നിധാനത്ത് പ്രവേശിച്ചാല്‍ നടയടക്കുമെന്ന തന്ത്രിയുടെ പരാമര്‍ശത്തെ വിമര്‍ശിച്ചായിരുന്ന ജി സുധാകരന്‍ രംഗത്തെത്തിയത്. പിന്നീട് തന്ത്രിയുടെ വസ്ത്രധാരണത്തെയും മന്ത്രി വിമര്‍ശിച്ചിരുന്നു. മന്ത്രിയുടെ വാക്കുകള്‍ ഏറെ വിമര്‍ശനം നേരിട്ടിരുന്നു. ഈ സാഹചര്യത്തിലാണ് മന്ത്രി വാക്കുകള്‍ വിഷമമായെങ്കില്‍ പിന്‍വലിക്കുകയാണെന്ന് വ്യക്തമാക്കി രംഗത്തെത്തിയിരിക്കുന്നത്.

ശബരിമലയെ സംഘര്‍ഷ ഭൂമിയാക്കിയവര്‍ക്ക് വോട്ട് കിട്ടുമെന്ന് കരതേണ്ട. ഇത്തരം പ്രവര്‍ത്തികള്‍ സന്നിധാനത്ത് കാണിക്കാന്‍ ഒരു രാഷ്ട്രീയ പാര്‍ട്ടിയും ധൈര്യപ്പെട്ടിട്ടില്ലെന്നും മന്ത്രി ചൂണ്ടിക്കാട്ടി.