കൊച്ചി മറൈൻ ഡ്രൈവിലെ ഫ്ലാറ്റിൽ നിന്നും ജോലിക്കാരി താഴേക്ക് ചാടി

കൊച്ചി : എറണാകുളം മറൈൻ ഡ്രൈവിലുള്ള ഫ്ലാറ്റിന്റെ ആറാം നിലയിൽ നിന്നും താഴേക്കിറങ്ങുന്നതിനിടെ വീണ് ഗുരുതരമായി പരിക്കേറ്റ് ആശുപത്രിയിൽ. തമിഴ്നാട് സേലം സ്വദേശിനി 55 വയസ്സുകാരിയായ കുമാരിയാണ് ഇത്തരത്തിൽ വീണ് പരിക്കേറ്റത്.

Also Read : യുകെയ്ക്ക് പിന്നാലെ ഫൈസ‍‍ർ വാക്സിന് അനുമതി ബഹ്റൈനും; അനുമതി നൽകുന്ന രണ്ടാമത്തെ രാജ്യം

ഇന്ന് പുലര്‍ച്ചെ, ലിങ്ക് ഹൗറൈസണ്‍ ഫ്ലാറ്റിൽ നിന്നും വീണ് പരിക്കേറ്റ നിലയിൽ കണ്ടെത്തുകയായിരുന്നു. സാരികള്‍ കൂട്ടിക്കെട്ടി താഴേക്ക് ഇറങ്ങൻ ശ്രമിക്കുമ്പോള്‍ വീഴുകയായിരുന്നുവെന്നാണ് സൂചന. ഫ്ലാറ്റിൽ നിന്നും രക്ഷപെടാൻ ശ്രമിച്ചതിനിടെയാണ് അപകടത്തിൽ പെട്ടത് എന്ന് എറണാകുള നോര്‍ത്ത് എസ്പി ലാൽജിയെ ഉദ്ധരിച്ച് മനോരമ ഓണ്‍ലൈൻ റിപ്പോര്‍ട്ട് ചെയ്യുന്നു.

ഫ്ലാറ്റിൽ ആറാം നിലയിൽ താമസിച്ചിരുന്ന ഇംതിയാസ് അഹമ്മദ് എന്നയാളുടെ വീട്ടുജോലിക്കാരിയായിരുന്നു ഇവര്‍.

എല്ലാ ദിവസവും ഇവര്‍കിടക്കുന്ന അടുക്കള തുറക്കാതിരുന്നതിനെ തുടര്‍ന്ന് പരിശോധിച്ചപ്പോള്‍ ആളെ കണ്ടില്ലെന്നും പിന്നീട്, താഴെ വീണ് കിടക്കുന്ന നിലയിൽ കണ്ടെത്തുകയായിരുന്നുവെന്നുമാണ് ഇംതിയാസ് അഹമ്മദ് പോലീസിനോട് പറഞ്ഞത്.

ഇവര്‍ കഴിഞ്ഞ നവംബര്‍ ഡിസംബര്‍ മാസങ്ങളിൽ ജോലി ചെയ്തിരുന്നു. പിന്നീട്, നാട്ടിലേക്ക് മടങ്ങിയ ഇവര്‍ കഴിഞ്ഞ ആഴ്ചയാണ് തിരികെയെത്തിയത് എന്നും ഇംതിയാസ് പറഞ്ഞു.

ജോലിക്കാരി ഇവിടെ നിന്നും രക്ഷപെടുവാന്‍ നോക്കിയതിന്റെ സൂചനകളുണ്ടെന്നും സംഭവത്തിൽ ദുരൂഹതയുണ്ടെന്നും പോലീസ് പറഞ്ഞു. വീട്ടുടമയെ ചോദ്യം ചെയ്യുമെന്നും പോലീസ് വ്യക്തമാക്കി.

Also Read : കേരളത്തിലെത്തുന്നതിന് മുൻപെ ന്യൂനമർദ്ദം ദുര്‍ബലമാകും; സംസ്ഥാനത്തിന്റെ ആശങ്ക പൂര്‍ണമായും ഒഴിയുകയാണോ

ആദ്യം ജനറൽ ആശുപത്രിയിൽ പ്രവേശിപ്പിച്ച ഇവരുടെ നില മോശമായതിനെ തുടര്‍ന്ന് ഒരു സ്വകാര്യ ആശുപത്രിയിലെ വെന്റിലേറ്ററിലേക്ക് മാറ്റുകയായിരുന്നു.