കെഎസ്ആർടിസി ബസിടിച്ച് ബൈക്കിന് പിന്നിലിരുന്ന വീട്ടമ്മ മരിച്ചു

നേമം: കെഎസ്ആർടിസി ബസ് ബൈക്കുമായി കൂട്ടിയിടിച്ച് ബൈക്കിന് പിന്നിലിരുന്ന വീട്ടമ്മ മരിച്ചു. ബൈക്ക് ഓടിച്ചിരുന്ന മകന് ഗുരുതരമായി പരിക്കേറ്റു. നെയ്യാറ്റിൻകര വെൺപകൽ കൃഷ്ണവിലാസത്തിൽ മോഹനകുമാറിന്‍റെ ഭാര്യ ശാന്തകുമാരി (54) ആണ് മരിച്ചത്.

രാവിലെ ഏഴരയോടെ പാപ്പനംകോട് ശ്രീരാഗം ഓഡിറ്റോറിയത്തിന് സമീപമായിരുന്നു അപകടം നടന്നത്. പാളയത്തേക്ക് ക്ഷേത്ര ദർശനത്തിന് മകൻ ശ്രീകാന്തിനോടൊപ്പം ബൈക്കിൽ പോകവെയാണ് പൂവാർ ഡിപ്പോയിലെ കെഎസ്ആർടിസി ബസ് ഇരുവരെയും ഇടിച്ചിട്ടത്. ഗുരുതരമായി പരിക്കേറ്റ ഇരുവരെയും കരമനയിലെ സ്വകാര്യ ആശുപത്രിയിൽ പ്രവേശിപ്പിച്ചു. എങ്കിലും ശാന്തകുമാരിയുടെ ജീവൻ രക്ഷിക്കാനായില്ല. സിറ്റി ട്രാഫിക് പോലീസ് സംഭവത്തില്‍ കേസെടുത്തിട്ടുണ്ട്.

Woman killed in road accident at Thiruvananthapuram