അപവാദ പ്രചരണം: വിവാഹിതയായ യുവതി കാമുകന്റെ ലിംഗം മുറിച്ചുമാറ്റി

കാമുകൻ അപവാദപ്രചരണം നടത്തിയതിനെത്തുടർന്ന് വിവാഹിതയായ യുവതി യുവാവിന്റെ ലിംഗം മുറിച്ചുമാറ്റി. 25കാരിനായ രാജേന്ദ്ര നായിക്കിന്റെ ജനനേന്ദ്രിയമാണ് 24കാരി കമല മുറിച്ചുമാറ്റിയത്. സംഭവത്തിൽ യുവതിയെ പൊലീസ് അറസ്റ്റ് ചെയ്തു. അപവാദ പ്രചരണം നടത്തിയതുമായി ബന്ധപ്പെട്ടുള്ള തർക്കം ലിംഗച്ഛദത്തിലേക്ക് വഴിതെളിക്കുകയായിരുന്നുവെന്ന് പൊലീസ് സൂപ്രണ്ട് ജെയിംസ് ടോപ്പോ പറഞ്ഞു.

ബുധനാഴ്ച രാത്രിയിൽ ബദുഗാന ഗ്രാമത്തിലെ യുവതിയുടെ വീട്ടിൽവെച്ചായിരുന്നു സംഭവം. തന്നെക്കുറിച്ച് അപവാദപ്രചരണം നടത്തിയത് ചോദ്യംചെയ്ത് കമല യുവാവിനോട് വഴക്കിടുകയായിരുന്നു. തുടർന്ന് വാക്കേറ്റം ഉണ്ടാകുകയും രാജേന്ദ്ര ഉറങ്ങിയപ്പോൾ ലിംഗം ച്ഛേദിക്കുകയുമായിരുന്നു. ലിംഗം മുറിക്കാനുപയോഗിച്ച ആയുധം പൊലീസ് കണ്ടെടുത്തു. കട്ടക്കിലെ ആശുപത്രിയിൽ ഗുരുതരാവസ്ഥയിൽ കഴിയുകയാണ് രാജേന്ദ്ര. യുവതി പൊലീസിനോട് കുറ്റം സമ്മതിച്ചിട്ടുണ്ട്.

തർക്കത്തിനു ശേഷം യുവതിയുടെ വീട്ടിൽ തങ്ങിയ തന്നെ കമല ആക്രമിക്കുകയായിരുന്നുവെന്ന് രാജേന്ദ്ര പറഞ്ഞു. ചെന്നൈയിലെ സ്വകാര്യ കമ്പനിയിലാണ് രാജേന്ദ്ര നായിക്കിന്റെ ജോലി.