വനിതാ മതിൽ ചര്‍ച്ച; ഇടതുമുന്നണി നേതൃയോഗം ഇന്ന്

തിരുവനന്തപുരം: നവോത്ഥാന മുന്നേറ്റത്തിനായി ജനുവരി ഒന്നിന് വനിതാ മതില്‍ തീര്‍ക്കാനുള്ള തീരുമാനത്തിന്മേൽ ഔദ്യോഗിക പിന്തുണ പ്രഖ്യാപിക്കുന്നതിനായി ഇടതുമുന്നണി നേതൃയോഗം ഇന്ന് തിരുവനന്തപുരത്ത്. ഇടതുപക്ഷത്തിന്‍റെ പുതിയ പ്രഖ്യാപനമായ വനിതാ മതിലിന് മുന്നോടിയായി വിപുലമായ പ്രചരണ പരിപാടികള്‍ക്കും യോഗം രൂപം നല്‍കുമെന്നാണ് സൂചന.


ശബരിമല വിധിക്കെതിരെ ബിജെപി, യുഡിഎഫ് നിലപാടുകള്‍ക്കെതിരെ സ്വീകരിക്കേണ്ട നിലപാടുകളും യോഗം ചര്‍ച്ച ചെയ്യും. ബിജെപി സെക്രട്ടേറിയറ്റ് പടിക്കലും യുഡിഎഫ് നിയമസഭാ കവാടത്തിലും സത്യഗ്രഹ സമരം നടത്തിക്കൊണ്ടിരിക്കുകയുമാണ്. ഇടുതുമുന്നണിയിലേക്ക് കൂടുതല്‍ പാര്‍ട്ടികളെ ഒത്തുചേര്‍ക്കുന്ന വിഷയത്തിലും യോഗത്തില്‍ ചര്‍ച്ച നടക്കും.