ദിലീപിനൊപ്പം അഭിനയിക്കില്ലെന്ന് ആസിഫ് അലി

കൊച്ചി: നടിയെ ആക്രമിച്ച കേസില്‍ അറസ്റ്റിലായ നടന്‍ ദിലീപിനൊപ്പം ഇനി അഭിനയിക്കില്ലെന്ന് യുവതാരം ആസിഫ് അലി പറഞ്ഞു. ദിലീപുമായി മാനസികമായ ബന്ധംപോലും ഇനി ഉണ്ടാകില്ലെന്ന് ആസിഫ് അലി അമ്മയുടെ യോഗത്തിനുശേഷം ഒരു ചാനലിനോട് പറഞ്ഞു.

തന്‍റെ അടുത്ത സുഹൃത്താണ് ആക്രമണത്തിനിരയായ നടി. അവര്‍ക്കുണ്ടായ ദുരനുഭവം വ്യക്തിപരമായി തനിക്കും വേദനയുണ്ടാക്കുന്നതാണെന്നും ആസിഫ് അലി പറ‍ഞ്ഞു. നേരത്തേ, അമ്മയുടെ എക്സിക്യുട്ടീവ് യോഗത്തിനു മുന്നോടിയായി ദിലീപിനെ പുറത്താക്കണമെന്ന് ആസിഫ് അലി ആവശ്യപ്പെട്ടിരുന്നു. ആസിഫ് അലിയും പൃത്ഥ്വിരാജുമാണ് ഇക്കാര്യത്തില്‍ ശക്തമായ നിലപാടുമായി രംഗത്തെത്തിയത്.

രണ്ട് യുവതാരങ്ങളും കടുത്ത നിലപാടെടുത്തപ്പോള്‍ ദിലീപിനെ പുറത്താക്കാന്‍ അമ്മ എക്സിക്യുട്ടീവ് യോഗം തീരുമാനിക്കുകയായിരുന്നു. സിനിമാരംഗത്ത് ഇത്തരം ക്രിമിനലുകള്‍ ഉണ്ടാകുന്നത് നാണക്കേടാണെന്നാണ് യോഗത്തിനുശേഷം മമ്മൂട്ടി പറഞ്ഞത്. ദിലീപിനൊപ്പം അഭിനയിക്കേണ്ടിവന്നതില്‍ ഒരു നടന്‍ എന്ന നിലയില്‍ ലജ്ജിക്കുന്നതായി ജോയ് മാത്യുവും അഭിപ്രായപ്പെട്ടിരുന്നു.

Won't act with Dileep says Asif Ali

Young actor Asif Ali said that he won't act with Dileep who was arrested in connection with the actress abduction case.