ഉത്സവവും ആരാധനയും വേണ്ട; ആള്‍ക്കൂട്ടം അനുവദിക്കില്ല: മുഖ്യമന്ത്രി

തിരുവനന്തപുരം: കൊവിഡ്- 19 പശ്ചാത്തലത്തില്‍ ഉത്സവവും ആരാധനയും തത്കാലം വേണ്ടെന്നും ആള്‍ക്കൂട്ടം അനുവദിക്കില്ലെന്നും മുഖ്യമന്ത്രി പിണറായി വിജയന്‍. വാര്‍ത്താ സമ്മേളനത്തിലാണ് അദ്ദേഹം ഇക്കാര്യം പറഞ്ഞത്.

Also Read:നാലാം ഘട്ട ലോക്ക് ഡൗണിന് ഇനി രണ്ടു ദിനങ്ങള്‍ മാത്രം; സാധ്യതയുള്ള ഇളവുകളും നിയന്ത്രണങ്ങളും

കൊവിഡിനെതിരെ ചെറുക്കാന്‍ സമൂഹത്തിന്റെയാകെ പങ്കാളിത്തം പൂര്‍ണ്ണമായി ഉണ്ടാകണം. രോഗത്തിന്റെ ഗൗരവം മനസിലാക്കാനും കൂട്ടംകൂടി നില്‍ക്കുന്ന പ്രവണത അവസാനിപ്പിക്കാനും ആളുകള്‍ ശ്രദ്ധിക്കണം. ഇത്തരം പ്രവണതകള്‍ നാട്ടില്‍ ഇപ്പോള്‍ ചിലയിടങ്ങളില്‍ കാണുന്നുണ്ടെന്ന് മുഖ്യമന്ത്രി പറഞ്ഞു. ഗൗരവം മനസിലാക്കാതെയുള്ള പ്രവണതയാണത്.

Also Read: കൊവിഡ് 26 കോടി ഇന്ത്യക്കാരെ ദാരിദ്ര്യത്തിലേയ്ക്ക് തള്ളിവിടും; രാജ്യത്തിന്റെ പോക്ക് എങ്ങോട്ട്?

ഇത്തരത്തില്‍ ആളുകള്‍ കൂട്ടം കൂടുന്നതില്‍ കര്‍ശന നിയന്ത്രണം പാലിക്കണം. നിശ്ചിത എണ്ണത്തില്‍ കൂടുതല്‍ പേര്‍ ഒത്തുകൂടരുത്. ഇക്കാര്യത്തില്‍ ഇളവുണ്ടാകില്ല. തത്കാലം അതിന് സാധിക്കില്ല, മുഖ്യമന്ത്രി പറഞ്ഞു. കണ്ടയിന്‍മെന്റ് സോണുകളില്‍ കടുത്ത നിയന്ത്രണം തുടരുമെന്നും മറ്റു ഇടങ്ങളില്‍ അത് ബാധകം ആകില്ലെന്നും മുഖ്യമന്ത്രി കൂട്ടിച്ചേര്‍ത്തു.