തിരഞ്ഞെടുപ്പില്‍ മല്‍സരിക്കാനില്ലെന്ന് ബാലകൃഷ്ണപിള്ള

നിയമസഭ തിരഞ്ഞെടുപ്പില്‍ താൻ മത്സരിക്കില്ലെന്ന് കേരള കോണ്‍ഗ്രസ് (ബി) നേതാവ് ആര്‍ ബാലകൃഷ്ണ പിള്ള. പത്തനാപുരത്തെ സ്ഥാനാര്‍ത്ഥിയെ എല്‍ഡിഎഫ് തീരുമാനിയ്ക്കുമെന്നും ബാലകൃഷ്ണ പിള്ള പറഞ്ഞു.

അഴിമതിയുടെ കൂത്തരങ്ങായി യുഡിഎഫ് മാറിയെന്നും പിള്ള വിമര്‍ശിച്ചു . സരിതയുടെ കത്ത് ഒളിപ്പിച്ച്‌ വച്ചത് താനിടപെട്ടാണ്. കത്ത് പൂഴ്ത്തിവയ്ക്കേണ്ടത് യുഡിഎഫിന്റെ ആവശ്യമായിരുന്നു. 42 കടലാസുകളില്‍ 60 പുറമാണ് കത്ത്. കത്ത് പുറത്ത് വിട്ടത് താനാണെങ്കില്‍ അക്കാര്യം മുഖ്യമന്ത്രി പറയണം. സരിതയുടെ ബാധ്യതകളും കേസും തീര്‍ത്തതും ഭരണകക്ഷിയിലെ പ്രമുഖരാണെന്നും ബാലകൃഷ്ണപിളള കോട്ടയത്ത് പറഞ്ഞു.