പ്രവര്‍ത്തിച്ചുകൊണ്ടിരുന്ന വാഷിങ് മെഷീന്‍ പൊട്ടിത്തെറിച്ച്‌ അപകടം

കൊച്ചി: പെരുമ്പാവൂരിൽ പ്രവര്‍ത്തിച്ചുകൊണ്ടിരുന്ന വാഷിങ് മെഷീന്‍ പൊട്ടിത്തെറിച്ച്‌ അപകടം. ഒരു പ്രമുഖ കമ്പനിയുടെ വാഷിങ് മെഷീനാണ് പ്രവർത്തനത്തിലിരിക്കെ പൊട്ടിത്തെറിച്ചത്.

വീട്ടിലെ രണ്ടാമത്തെ നിലയിലുള്ള കുളിമുറിയിലായിരുന്നു വാഷിങ് മെഷീൻ വെച്ചിരുന്നത്. ഓൺ ചെയ്ത് അല്പം സമയം കഴിഞ്ഞതും പുക ഉയർന്ന് വലിയ ശബ്ദത്തിൽ പൊട്ടിത്തെറിക്കുകയായിരുന്നു. തുടർന്ന് വൈദ്യുതി വിഛേദിക്കപ്പെട്ടതിനാല്‍ വലിയ അപകടം ഒഴിവായി.