ഗ്രന്ഥകാരൻ കെ പാനൂ‍ര്‍ അന്തരിച്ചു

പാനൂര്‍: ഗ്രന്ഥകാരനും സാമൂഹികപ്രവര്‍ത്തകനുമായ കെ പാനൂര്‍ (84) അന്തരിച്ചു. കേരളത്തിലെ ആഫ്രിക്ക, ഹാ നക്സൽ ബാരി, കേരളത്തിലെ അമേരിക്ക തുടങ്ങിയ ഗ്രന്ഥങ്ങളുടെ കര്‍ത്താവാണ്. കണ്ണൂരിലെ സ്വകാര്യ ആശുപത്രിയിലായിരുന്നു അന്ത്യം.

കേരളത്തിലെ ആദിവാസികളെ കുറിച്ചുള്ള ആദ്യ പഠനഗ്രന്ഥമായാണ് കേരളത്തിലെ ആഫ്രിക്ക പരിഗണിക്കപ്പെടുന്നത്.

കെ കുഞ്ഞിരാമന്‍ എന്നാണ് യഥാര്‍ഥപേര്. കേരള സര്‍ക്കാര്‍ സര്‍വീസില്‍ റവന്യൂ വിഭാഗം ജീവനക്കാരനായി ഔദ്യോഗികജീവിതം ആരംഭിച്ച കെ പാനൂരിന് 2006ൽ സമഗ്രസംഭാവനയ്ക്കുള്ള കേരള സാഹിത്യ അക്കാദമി പുരസ്കാരം അടക്കം നിലവധി പുരസ്കാരങ്ങള്‍ ലഭിച്ചിട്ടുണ്ട്.

കെ. പാനൂരിന്റെ നിര്യാണത്തില്‍ മുഖ്യമന്ത്രി അനുശോചിച്ചു.